Vyo Vingabavwa po Mukumanyila
Mwinong’onele, ka vintu buli vyo vyakulondiwa hee ukumanyila?
Aliwesi angaba na kabalilo kache akakumanyilila paweka. Ka tungabomba ichoni ukuti tupindulaghe nkani na kabalilo aka? Ichabwandilo, mumalilaghe akabalilo akatali pakwinong’onelapo pa vyo mwabelengagha. Mungapindula sana nanti mungamanyila umwakubikapo umoyo ivintu ivyakuchepa bulo, ukuchila ukubelenga ivintu ivyinji umwakuchimbilila.
Mubike ivintu ivyakulondiwa pabwandilo. (Efe. 5.15, 16) Pasi apa pali amasakizyo ghamo:
Isiku lililyosi mubelengaghe Ibayibolo. (Sali. 1.2) Chingaba chiza ukuti mwande na machaputala gho tukubelenga mu ndondomeko iya nkomano izya mukasi mwasabata aliwesi.
Mumanyilile zila inkani iya mu Ichitembe cha Mulindilili yo mwaya pakumanyila pa Sabata, ni nkani zyo zili mukabuku aka nkomano izya mukasi mwa Sabata. Muyezye ukwisengannya akiza umwakuti muye mwamulepo.—Sali. 22.22.
Nanti akabalilo kachili kalipo, mungabelenga amagazini aghakugabila, mungenelezya amavidiyo sona mungabelenga inkani izinji pa jw.org.
Mumanyile inkani yo yabahobosya. Mungalondelezya inkani yo yingabavwa pa ntamyo yo mukukomana nayo, ilalusyo lyo muli nalyo pamo inkani iya mu Bayibolo yo mukulonda ukuti muyivwisye akiza.