Ifundo zyo Zingabavwa po Mukumanyila Pamwebene Sona Pakwiputa Ukwa pa Mbumba

Tutakumwiputa bulo u Yehova nanti twakomana poka ngati gulu pa nkomano izya pachipanga, izya dela ni zya chigaba loli tungamwiputa sona patwebene sona ngati mbumba. Za twennye amasakizyo ghamo gho ghangatwavwa nanti tukwiputa patwebene na pa mbumba:

• Mwisengannyange inkomano izya pa chipanga. Pa kabalilo ko mukwisengannya, mumanyilaghe inyimbo sona mubavwange abamumbumba yinyu ukuti bope baye bamulepo.

• Mubelengaghe inkani izya bantu bamo aba mu Bayibolo. Pisinda pache, mungajambula ichituzi icha vintu vimo vyo vikabombiwa pamo mungasimba ivintu vimo vyo mwamanyila.

• Mungabelenga ulwiputo lo lukwaghiwa mu Bayibolo nu kunenezannya mo lungabatulila ukuti mwiputaghe inyiputo inyiza.

• Mungenelezya ividiyo yo yikwaghiwa pa jw.org nu kunenezannya na bamwinyu pamo mungasimba vyo mwamanyila ukufuma muvidiyo.

• Mwisengannye mo mungaye munenele mu bulumbilili nu kupanga ichifwanikizyo icha mo mungaye mubombele.

• Mwenelezyange ivipeliwa nu kwinong’onelapo, pamo munenezannye vyo mukumanyilako ku vipeliwa ivyakukwafannya nu Yehova.a