Ka Tungabomba Buli-buli Ukuti Ukwiputa Kwitu Kumuhobosyanje u Chala?

Ukuyana na mo twamanyilila mu Mutu 13, te vipanga vyosi vyo vikumuhobosya u Chala. Napo vili bunubu, tungamwiputa Umupeli witu mu zila yo yikumuhobosya. Nkimba kwiputa kwa mutundu buli ko u Chala akuhoboka nako? (Yakobo 1.27) Ennya vyo Ibayibolo likumanyisya.

1. Nkimba ukwiputa kwitu kubaghiye ukuba buli-buli?

Nanti tukwiputa tubaghiye ukubombezya Amazyu gha Chala, Ibayibolo. U Yesu akanena kwa Chala ukuti: “Amazyu ghako ghanaloli.” (Yohani 17.17) Amachalichi aghinji ghakukana ubwanaloli bo bukwaghiwa mu Mazyu gha Chala. Mumalo mwache bakumanyisya inyinong’ono sona ivimanyisyo ivya bantu. Loli u Yehova atakuhoboka na bo bakukana “Indaghilo izya Chala.” (Belenga Maliko 7.9.) Tukumuhobosya u Chala nanti tukubombezya Ibayibolo pakumwiputa sona tukukonka ubulongozi bwache.

2. Ka tumwiputaghe buli-buli u Yehova?

Tukulondiwa ukumwiputa u Yehova mwene ichifukwa chakuti weyo Mupeli. (Ubuvumbuli 4.11) Ivi vikung’anamula ukuti tukulondiwa ukumughana nu kumwiputa yuyo mwene ukusita ukubombezya ivifwani.—Belenga Yesaya 42.8.

Ukwiputa kwitu kubaghiye ukuba ‘ukuzelu sona ukwakwitikiziwa’ kwa Yehova. (Aba Loma 12.1) Ivi vikung’anamula ukuti tubaghiye ukwivwila indaghilo zyache. Umwakufwanikizya, bo bamughanite u Chala bakukonka indaghilo zyache pa nkani iya isendwa. Sona bakukana inkalo imbibi ngati ukukweba itumba pamo ukubombezya imilembo yo yikuvulungannya ubongo.a

3. Choni cho tubaghiye ukumwiputa u Yehova poka na Bakilisitu abamwitu?

Inkomano zyo tukuba nazyo usabata aliwesi zikutupa ulusako ‘ulwakumupala u Yehova . . . mu chipanga.’ (Salimo 111.1, 2) Izila yoka iyakubombela bunubu ko kwimba inyimbo izyakumupala u Chala. (Belenga Salimo 104.33.) U Yehova akulonda ukuti twaghiwanje pa nkomano ichifukwa chakuti atughanite. Akumanya ukuti zingatwavwa ukuti tuhobokaghe nu bumi kwa bwila na bwila. Pala tukukomana poka pa nkomano tukukazannya.

MANYA IVYINJI

4. Manyi tubombezyanje ivifwani pakwiputa

IVIDIYO: Nkimba u Chala Akwitikizya Ukubombezya Ivifwani Pakwiputa? (3:26)

• Choni cho chikabombiwa pakabalilo ko abantu ba Chala abakale bakabombezya ichifwani pakwiputa?

Abantu bamo bakwiyivwa ukuti bali papipi nu Chala nanti bakubombezya ivifwani pakwiputa. Loli ivi vikupangisya ukuti babe pabutali nu Chala. Belenga Ukusoka 20.4-6; Salimo 106.35, 36, nu kwamula amalalusyo agha:

• Nkimba vintu buli vyo muvyenizyepo vyo abantu bakubombezya pakwiputa?

• Ka u Yehova akwiyivwa buli-buli nanti abantu bakubombezya ivifwani?

• Ka umwe mukwennya ukuti chakwitikiziwa ukubombezya ivifwani?

5. Pala tukumwiputa u Yehova mwene, tukusatuliwa ku mabumyasi

IVIDIYO: Ubwanaloli Bukansatula (5:16)

Belenga Salimo 91.14, nu kwamula ilalusyo ili:

• Nkimba u Yehova akutulayizya ukuti inti atubombele choni nanti tukulangizya ukuti tumughanite nu kumwiputa yuyo mwene?

6. Tukumwiputa u Chala pa nkomano

Tukumupala u Yehova nu kukazannya waghe tukwamulapo nu kwimba inyimbo pa nkomano. Belenge Salimo 22.22, nu kwamula amalalusyo agha:

• Nkimba mukuhoboka nanti abakamu na bayemba bakwamulapo pa nkomano?

• Nkimba numwe mungisengannya ukuti muye mwamulepo?

7. U Yehova akuhoboka pala tukubabuzyako abamwitu vyo tukumanyila

Pali izila izyinji zyo tungabombezya ukuti tubabuzyeko abamwitu ubwanaloli ubwa mu Bayibolo. Belenga Salimo 9.1; 34.1, nu kwamula ilalusyo ili:

• Nkimba vintu buli vyo mumanyiye mu Bayibolo vyo mukulonda ukubabuzyako abamwinyu?

IFUNDO IZYAKUDUMULA

Tukumuhobosya Umupeli witu nanti tukumwiputa yuyo mwene, tukumupala pa nkomano nu kubabuzyako abamwitu vyo twamanyila.

Ukunyokelamo

• Nkimba tungamanyila buli-buli ukuti tumwiputaghe u Chala umwakwitikiziwa?

• Choni cho tukulondiwa ukumwiputa u Yehova mwene?

• Choni cho tukulondiwa ukwiputila poka na bamwitu bo bakulonda ukumuhobosya u Chala?

IFUNDO IZYAKONGELEZYAPO

Mu nkani iyakuti “Nkhuteŵeteraso vikozgo yayi,” belenga mo umukolo yumo akuhobokela ichifukwa chakuti alekite ukwiputa ivifwani.

“Baibolo Likusintha Umoyo wa Ŵanthu” (Ichitembe cha Mulindilili icha Chitumbuka, Julayi 1, 2011)

Manya vyo vingabavwa ukuti mwamulaghepo pa nkomano.

“Lumbani Yehova Mukati mu Mpingo” (Ichitembe cha Mulindilili icha Chitumbuka, Janiwale 2019)

Ennya mo uwachinyamata yumo akapindulila ichifukwa ichakwaghiwa pa nkomano napo chitakaba chipepe.

U Yehova Akanavwa

Abantu abinji bakubombezya impinjika pakwiputa ukulangizya ukuti Bakilisitu, nkimba uswe tukulondiwa ukubombezya impinjika pakwiputa?

“Choni cho Abakaboni ba Yehova Batakubombezya Impinjika Pakwiputa?” (Inkani iya pa intaneti)