Ka Ivintu Vikwiza Ukuba Buli-buli Muntazi?

VYO IBAYIBOLO LIKUNENA

“U Chala . . . akwiza pakusyumula amasozi ghosi mumaso ghabo. Ubufwe butakwiza pakubako nalumo, sona kutakwiza pakubako ivitima pamo ukulila pamo ububavu. Ivintu [“ivyakale,” nwt] vyazyebeluka.”—Ubuvumbuli 21.3, 4.

KA IVI VIKUTWAVWA BULI-BULI?

Vikutwavwa ukumanya ukuti kukwiza ukuba imbombo izyakuhobosya.—Yesaya 65.21-23.

Vikutwavwa ukumanya ukuti kutakwiza ukuba ubufwe ni mbina.—Yesaya 25.8; 33:24.

Vikutwavwa ukumanya ukuti tukwiza pakuhoboka na bakamu bitu bwila na bwila.—Salimo 37.11, 29.

KA TUNGASUBALILA NALOLI VYO IBAYIBOLO LIKUNENA?

Eee! Pa vifukwa vibili:

• U Chala ali na maka aghakukwanilisya vyo alayizizye. Ibayibolo likuti U Chala, u Yehova, ‘Wamaka ghosi’ gho ghate ni mpaka. (Ubuvumbuli 15.3) Tukusubila ukuti akwiza pakuyannya ichisu, ‘pakuti kwa Chala ivintu vyosi vipepe bulo.’—Matayi 19.26.

• Bwighane bwa Chala ukuti akwanilisye vyo alayizizye. U Yehova akulonda ukuti akazyusye abafwe bosi.—Jobu 14.14, 15.

  Ibayibolo likunena sona izya Yesu umwana wa Chala yuyo akapozyanga ababine. Choni cho akabombagha bunubu? Akalondagha! (Maliko 1.40, 41) Vyo u Yesu akabombagha vikalangizya vyo Ubaba wache akwiza pakubombela abantu bo bakulonda ubutuli.—Yohani 14.9.

  Tuli nu lusubilo ukuti u Yehova nu Yesu bakutusenganizya ubumi ubwiza muntazi!—Salimo 72.12-14; 145.16; 2 Pitala 3.9.