Nkimba Abafwe Bakwiza Ukuzyuka Naloli?

VYO IBAYIBOLO LIKUNENA

“Bakwiza pakuzyuka kubufwe.”—Imbombo 24.15.

KA IVI VIKUTWAVWA BULI-BULI?

Vikutusangalusya pala abakamu bitu bafwa.—2 Aba Kolinti 1.3, 4.

Vikutusatula ukuti manyi toghopaghe imfwa.—Aba Hebeli 2.15.

Tukusubila ukuti tulikomana sona na bakamu bitu bo bakafwa.—Yohani 5.28, 29.

KA TUNGASUBALILA NALOLI VYO IBAYIBOLO LIKUNENA?

Eee! Pa vifukwa vitatu ivi:

• U Chala we yo Mupeli wa bumi. Ibayibolo likuti u Chala u Yehova we yo chiziba cha bumi. (Salimo 36.9; Imbombo 17.24, 25) Umupeli uwa vyabumi vyosi ali na maka aghakuzyusya bo bakafwa.

• U Chala akazyusyapo abafwe mukabalilo akakwisinda. Ibayibolo likunena izya bantu 8 bo bakazyusyiwa, abana, abasongo, abanavuli, na bakolo. Bamo bakafwa akabalilo kanandi loli yumo akaba mwipumpa amasiku 4!—Yohani 11.39-44.

• U Chala akulonda ukwiza ukuzyusyasona abafwe. U Yehova abengite imfwa; akuti mulwani wache. (1 Aba Kolinti 15:26) Akulonda hee ukuti imfwa yimale sona akwiza ukubazyusya abafwe. Atabaluvizye, akwiza pakubazyusya ukuti bikale sona pa chisu chapasi.—Jobu 14.14, 15.