Ka Wenu Yo Akulaghila Ichisu Ichapasi?

Ka mukwinong’ona ukuti . . .

VYO IBAYIBOLO LIKUNENA

“Abantu aba muchisu ichapasi ichi bali pasi pa maka agha Mubibi yula.”—1 Yohani 5.19.

“Umwana uwa Chala akiza ukuti anangannye imbombo izya Satana yula”.—1 Yohani 3.8.

Vikutwavwa ukumanya ichifukwa cho pa chisu pali intamyo.—Ubuvumbuli 12.12.

Vikutwavwa ukusubila ukuti ichisu chapasi chikwiza ukuba akiza.—1 Yohani 2.17.

Eee! Pa vifukwa vitatu:

Ubumwene bwa Satana bukwiza pakumala. U Yehova ali papipi ukumazya ubumwene bwa Satana. Alayizizye ‘ukumunangannya u Satana’ nu kuyannya vyosi vyo u Satana ananganizye.—Aba Hebeli 2.14.
U Chala amwimikite u Yesu ukuti alaghile ichisu chapasi. U Yesu apambanite nu mulaghili umubibi uwa kabalilo aka. U Chala alayizizye ukuti pala u Yesu anda ukulaghila, “akwiza ukuba ni chisa pa bantu abakusuliwa na bapotwe . . . Bo bakuyimba nu kukomana ni nkaza, u Chala akwiza ukubatula.”—Salimo 72.13, 14, New World Translation.
U Chala atangatamanta. Ibayibolo likunena ukuti: “U Chala atangatamanta.” (Aba Hebeli 6.18) Pala u Yehova alayizya ukubomba ichintu vikuyana bulo nukuti abomba kale. (Yesaya 55.10, 11) “Umulaghili uwa chisu chapasi ichi akwiza pakusumbiwa kuzi.”—Yohani 12.31.

Ka ichisu chikwiza ukuba buli-buli pala umulaghili wache bamufumyapo?

Ibayibolo likwamula ilalusyo ili pa SALIMO 37.10, 11 na pa UBUVUMBULI 21.3, 4.