Ka Choni cho Chingavwa Ukuti Imbumba Yibe Yakuhoboka?

VYO IBAYIBOLO LIKUNENA

“Basayiwa babo bakwivwa amazyu agha Chala nukughivwila.”—Luka 11.28.

KA IVI VIKUTWAVWA BULI-BULI?

Vikutwavwa ukuti tube nu lughano ulwenecho.—Aba Efeso 5.28, 29.

Vikutwavwa ukuti tuchindikanaghe.—Aba Efeso 5.33.

Vikutwavwa ukuti tube swe bakwifighilila.—Maliko 10.6-9.

KA TUNGASUBALILA NALOLI VYO IBAYIBOLO LIKUNENA?

Eee! Pa vifukwa vibili:

• U Chala weyo akandisya imbumba. Ibayibolo likuti “imbumba zyosi . . . zikapokela amazina” ukufuma kwa Yehova u Chala. (Aba Efeso 3.14, 15, nwt) Imbumba ziliko ichifukwa chakuti u Yehova weyo akandisya. Ka ivi vikutwavwa buli-buli?

  Buli pala mwalya ichakulya cho bapiyite akiza hee, sona mukulonda ukumanya mo bapiyile, mungalalusya uwenu? Mungalalusya yo apiyite.

  Umwakuyana bulo ni mbumba ukuti yibe yakuhoboka yibaghiye ukulaba kwa Yehova ukuti ayilongozye.—Ubwandilo 2.18-24.

• U Chala akutupasikizya. Imbumba ukuti yibe yakuhoboka, yibaghiye ukulaba ubutuli kwa Yehova. Chifukwa choni? U Yehova “akutupasikizya.” (1 Pitala 5.6, 7) Akutulondela ivyiza sona akutupa ubulongozi bo bukutwavwa akabalilo kosi!—Isya Mbupingamu 3.5, 6; Yesaya 48.17, 18.