ICHIMANYILO 15

Munenaghe Umwakubafika pa Moyo

1 Aba Tesalonika 1.5

IFUNDO INKULU: Mulangizye ukuti mukusubila ukuti vyo mukunena vyabwanaloli sona vyakulondiwa.

Mwisengannye akiza. Muyimanyile akiza inkani iyo mpaka mwivwisye ifundo izikulu nu kumanya mo Ibayibolo likusimikizizya ukuti ifundo zyo mwazyagha zyabwanaloli. Muyezye ukuzilongosola ifundo izikulu izya mu nkani yinyu mu mazyu aghapepe. Mwenelezye mo zyaya pakubatulila abantu. Mwipute ukulaba umuzimu umuzelu.

Pa kabalilo ko mukwisengannya inkani yinyu, munenaghe umwakukwezya amazyu umwakuti ifundo zyo zili mu nkani yinyu zyikalane munyinong’ono nu kubavwa ukuti mwize muyinene akiza.
Mubombezyange amazyu agha kulangizya ukuti mukusimikizya vyo mukunena. Mumalo mwakuti mupyanizyange bulo amazyu gho ghasimbiwe, munenaghe mu mazyu aghinyu na ghinyu. Munenaghe umwakufumila pasi pa moyo sona umwakusimikizya.
Mulangizye ukuti mukusubila ukuti vyo mukenena vyabwanaloli sona vyakulondiwa. Munenaghe amazyu aghakwivwika akiza. Nanti kuchigaba chinyu chakwitikiziwa mwennyange abantu.

Ukunena umwakusimikizya kutakung’anamula ukuti munenaghe ivintu vyo vingabavulungannya abantu nu kubakalalizya pamo ukubakakamizya abantu ukuti bakonke vyo mukunenana. Mumalo mwache akabalilo kosi munenaghe umwalughano nu mwachisa.