UMUTU 22
Ka Mungalumbilila Buli-buli Amazyu Amiza?
Po mukumanyila Ibayibolo munginong’ona ukuti, ‘Aliwesi akulondiwa ukuti avimanye ivi!’ Ubu bwanaloli, aliwesi akulondiwa ukuvimanya! Loli akabalilo kamo mungaba ni lyogha ukubuzyako abamwinyu vyo mwamanyila. Loli za tunenezannye mo mungabombela ukuti muleke ukuba ni lyogha nu kubukilila ukuba bakuhoboka po mukulumbilila amazyu amiza agha mu Bayibolo.
1. Nkimba mungabomba buli-buli ukuti mubuzyanjeko abamwinyu vyo mwamanyila?
Abamanyili aba Yesu bakanena ukuti: “Pakuti tutangaleka pakunena zizyo twiyenezya na maso ghitu, sona nukuyivwila na makutu ghitu.” (Imbo. 4.20) Bakennyanga ubwanaloli ukuti bwakulondiwa nkani cho chikabapangisya ukulumbilila amazyu agha ku bantu abinji. Nkimba numwe mukwiyivwa bunubu? Nanti vili bunubu mungalondelezya umupata ukuti mubabuzyeko abamwinyu na bakamu binyu vyo mwamanyila.—Belenga Aba Kolosi 4.6.
Izila zyo zingabavwa ukuti mwande pakunenezannya
Nanti mukunenezannya na bakamu binyu, mungandisya inkani yimo iya mu Bayibolo umwakunena ukuti: “Usabata uyu namanyila ichintu chimo ichakuhobosya hee.”
Mubelenge isimbo ilyakukazya nu mumanyani winyu yo abinite sona akutamiwa inyinong’ono.
Pala yo mukubomba nawe imbombo abalalusya mo usabata winyu endela, mumubuzyeko vyo mwamanyiye pakumanyila Ibayibolo pa mwebene pamo pa nkomano izya pa chipanga.
Mubalangizye abamwinyu iwebusayiti iya jw.org.
Mubitizye abamwinyu ukuti bope babepo po mukumanyila Ibayibolo pamo mubavwe ukuti balabe ukumanyila Ibayibolo pa jw.org.
2. Choni cho ukulumbilila poka ni chipanga kwakulondiwa nkani?
Abamanyili ba Yesu bakabombagha ivyinji ukuchila ukubuzyako bulo abantu bo babamenye amazyu amiza. U Yesu ‘akabatuma babili-babili ukuti balongolele kukaya kosi’ nu kulumbilila. (Luka 10.1) Imbombo iya kulumbilila iyi yikabapa abantu ulusako ulwakwivwa amazyu amiza. Ukulumbilila poka kope kukapangisya abamanyili ba Yesu ukuba bakuhoboka. (Luka 10.17) Ka numwe mungabomba umwakuyana bulo umwakwibikila indondomeko ukuti mulumbililaghe ni chipanga?
MANYA IVYINJI
Manya mo mungabombela ukuti muchepesye ilyogha sona ukuti muhobokaghe nanti mukulumbilila amazyu amiza.
3. U Yehova akwiza pakuba numwe
Bamo bangaba ni lyogha ichifukwa cha vyo abantu bamo bangabamula po bakulonda ukubalumbilila.
Ka numwe mukuba ni ilyogha pala mukulonda ukulumbilila ku bantu pa vyo mwamanyila? Chifukwa choni?
Enelezya IVIDIYO, nu kwamula ilalusyo.
Nkimba Abakaboni abachinyamata aba, bakabomba buli-buli ukuti bachepesye ilyogha?
Belenga Yesaya 41.10, nu kwamula ilalusyo ili:
Pala mukwivwa ilyogha pakulumbilila, ka ulwiputo lungabavwa buli-buli?
Ka muzimenye?
Abakaboni ba Yehova abinji bakinong’onagha ukuti batangakwanisya ukulumbilila amazyu amiza ku bamwabo. Umwakufwanikizya u Sergey, akikayikilagha ukuti atangakwanisya ukunenezannya na banji. Po akanda ukumanyila Ibayibolo. Akanena ukuti: “Nangabuli nkaba ni lyogha, loli nkiza nanda pakunenezannya na banji vyo nkamanyilagha.” Cho chikahobosya chakuti bo nanda ukubabuzya abamwitu ivyakukwafyannya ni Bayibolo vikanavwa ukuti imbe ne wakujimba. Ichifukwa chakubuzyako abamwitu vyo namanyila vikanavwa ukuti ingomye ulusubilo lwane.
4. Mubanje mwe bamuchizi
Pala mukulonda ukulumbilila mwinong’onelaghepo vyo mukulonda ukunena sona mo munganenela. Belenga 2 Timoti 2.24 sona 1 Pitala 3.15, nu kwamula amalalulsyo agha:
Ka mungabombezya buli-buli amasimbo agha nanti mukulonda ukunenezannya na banji ivyakukwafyannya ni Bayibolo?
Aba mumbumba yinyu pamo abamwinyu batangakolelana numwe. Ka mungabomba choni? Sona ka vintu buli vyo mutabaghiye ukubomba?
Choni cho chiza ukulalusya amalalusyo umwakucheba ukuchila ukubapatikizya?
5. Ukulumbilila amazyu amiza kungapangisya ukuti mube mwe bakuhoboka
U Yehova akamupa u Yesu imbombo iyakulumbilila amazyu amiza. Ka u Yesu akayennyanga buli-buli imbombo iyi. Belenga Yohani 4.34, nu kwamula amalalusyo agha:
Ukulya ichakulya ichiza kungapangisya ukuti tube nu bumi sona ukuti tube swe bakuhoboka. Choni cho u Yesu akayanisya ukubomba ubwighane bwa Chala ngati ukulumbilila amazyu amiza nu kulya ichakulya?
Ka mukwennya ukuti umuntu angahoboka nanti akulumbilila amazyu amiza?
Vyo vingabavwa
Pa kabalilo aka nkomano izya mukasi mwa sabata, mungalondelezya izila zyo zingabavwa ukuti mwandisye ukunenezannya.
Munenezannye nu mumanyisi winyu ukuti abavwe ukuti mube mwe bamanyili mu nkomano izya mukasi mwa sabata. Inkani zyo bakubapa zingabavwa ukuti mubuzyanjeko abamwinyu vyo mwamanyila.
Bombezya vyo vili pa chigaba icha “Vyo Bamo Bakunena” pamo “Vyo Bamo Bangalalusya” vyo vili mubuku ili ukuti mumanye mo mungamulila amalalusyo gho abinji baghanite ukulalusya pamo mo tunganenela ku bantu bo bakukana ukubalumbilila.
VYO BAMO BANGALALUSYA: “Nkimba nkani buli iya losulu yo mwivuyepo?”
Ka mungabombezya buli-buli ulusako ulu pakubuzyako umuntu vyo mwamanyila mu Bayibolo?
IFUNDO IZYAKUDUMULA
Ukubuzyako abamwinyu vyo mwamanyila kungabavwa ukuti mubanje mwe bakuhoboka sona nanti mwanda ukulumbilila chikuba chipepe ukuchila mo mwinong’onelagha.
Ukunyokelamo
Choni cho mukulondiwa ukubuzyako abamwinyu amazyu amiza?
Nkimba mungabomba buli-buli ukuti mulumbililaghe umwa muchizi?
Nkimba mungamalana buli-buli ni lyogha nanti mukulonda ukulumbilila?
IFUNDO IZYAKONGELEZYAPO
Manya izila 4 izipepe zyo mungabombezya ukuti mulumbilile amazyu amiza pakubombezya akakadi aka jw.org.
Manyila inkalo 4 zyo zingabavwa ukuti mulumbililaghe amazyu amiza.
Enelezya inkani izya mu Bayibolo zyo zingabavwa ukuti mube mwe bajimvu pakulumbilila amazyu amiza na po tungaba swe bana abanandi.
Manya mo munganenela inkani izya mu Bayibolo ku bakamu binyu bo batamanyiye ivya Yehova.