Nkimba Ukuleka Ukuba Kuchigaba cha Chisu Kukung’anamula Choni?

U Yesu akamanyisya abamanyili bache ukuti ‘mute sona kuchigaba icha chisu.’ (Yohani 15.19) Ukuleka ukuba kuchigaba cha chisu kukung’anamula ukuleka ukusendako ichigaba pa vyandale sona ukulwa inkondo. Ukunena ubwanaloli te chipepe ukuleka ukuba kuchigaba cha chisu. Abantu bangatuseka ichifukwa chakuti tute kuchigaba cha chisu. Nkimba tungabomba choni ukuti tutakabe kuchigaba cha chisu nu kubukilila ukuba basubaliwa kwa Chala?

1. Nkimba Abakilisitu ababwanaloli bakughennya buli-buli amaboma gha bantu?

Abakilisitu bakuchindika amaboma gha bantu. Tukwivwila ubulongozi bo u Yesu akanena bo akati “ivya Kesale mumupe u Kesale” cho chobene tukwivwila indaghilo zya chisu. Umwakufwanikizya tukupeleka imisonko. (Maliko 12.17) Ibayibolo likumanyisya ukuti amaboma ghakulaghila ichifukwa chakuti u Chala we yo abapiye amaka. (Aba Loma 13.1) Tuzimenye ukuti amaboma gha bantu ghali nu bumalilo, loli Ubumwene bwa Chala bute nu bumalilo. Tuli nu lusubilo ukuti u Chala witu sona nu Bumwene bwache bobo inti bwefyepo intamyo zyosi izya bantu.

2. Nkimba tungalangizya buli-buli ukuti tute kuchigaba icha chisu?

Umwakuyana nu Yesu tutakwingililapo pa vyandale. Bo abantu bennya ukuti u Yesu akupanga iviswigho bakalonda ukuti abe we mwene wabo pa chisu ichapasi, loli u Yesu akakana. (Yohani 6.15) Chifukwa buli? Ichifukwa chakuti pisinda akanena sona ukuti, ‘Ubumwene bwane te bwa muchisu ichi awe.’ (Yohani 18.36) Pakuti swe bamanyili ba Yesu, tukulangizya ukuti tute kuchigaba cha chisu muzila izyakupambana-pambana. Umwakufwanikizya, tutakulwa inkondo. (Belenga Mika 4.3.) Tukuchindika ivintu vyo vikwimila ichisu ngati indembela loli tutakuvyiputa pamo ukupeleka umuchizi ku vintu ivi gho ghumubaghiye u Yehova. (1 Yohani 5.21) Sona tutakusenda ichigaba mu vyandale pamo ukuvota. Tukulonda ukulangizya ukuti tukusubalila Ubumwene bwa Chala bwene.

MANYA IVYINJI

3. Abakilisitu ababwanaloli bate kuchigaba cha chisu

U Yesu sona abamanyili bache bakatulekela ichifwanikizyo ichiza sana. Belenga Aba Loma 13.1, 5-7; nu 1 Pitala 2.13, 14. Pisinda pache, enelezya IVIDIYO nu kwamula amalalusyo agha:

IVIDIYO: Abakilisitu Ababwanaloli Bate Kuchigaba cha Chisu—Ichigaba 1 (4:28)

• Choni cho tubaghiye ukuchindika amaboma gha bantu?

• Nkimba zila buli zyo tungalangizizya ukuti twaba kuchigaba cha chisu?

Pa kabalilo ka nkondo, ivyisu vimo vingalangizya ngati vite kuchigaba cha chisu, loli vikubavwa bo bakulwa. Nkimba ukuleka ukuba kuchigaba cha chisu kukung’anamula choni nkani-nkani? Belenga Yohani 17.16. Pisinda pache, enelezya IVIDIYO nu kwamula ilalusyo ili:

IVIDIYO: Abakilisitu Ababwanaloli Bate Kuchigaba cha Chisu—Ichigaba 2 (3:11)

• Ka ukuleka ukuba kuchigaba cha chisu kukung’anamula choni?

Nkimba mungabomba ichoni waghe ababoma bakulonda ukuti mubombe ivintu vyo vitakukolelana ni ndaghilo zya Chala? Belenga Imbombo 5.28, 29. Pisinda pache, enelezya IVIDIYO nu kwamula amalalusyo agha:

IVIDIYO: Abakilisitu Ababwanaloli Bate Kuchigaba cha Chisu—Ichigaba 3 (1:18)

• Pala indaghilo zya bantu zitakukolelana ni zya Chala, nkimba tubaghiye pa kwivwila indaghilo izya wenu?

• Nkimba mukwennya ukuti kabalilo buli ko Abakilisitu batakulondiwa ukwivwila indaghilo zya bantu?

4. Mutakabe kuchigaba cha chisu mu vyakubomba na munyinong’ono

Belenga 1 Yohani 5.21. Pisinda pache, enelezya IVIDIYO nu kwamula amalalusyo gha:

IVIDIYO: Choni cho Abakilisitu Ababwanaloli Bakulondiwa Ubujimvu Ukuti Batakabe Kuchigaba cha Chisu (2:49)

• Ukuyana na vyo mwennya mu vidiyo, choni cho u Ayenge akasala ukuti atakingile mu chipani pamo ukwaghiwa muvyakubombiwa ivya chisu ngati ukwinamila indembela?

• Nkimba mukwennya ukuti akasala umwamahala?

Nkimba vintu buli vyo vingatupangisya ukuti tube kuchigaba cha chisu? Enelezya IVIDIYO, nu kwamula amalalusyo gha:

IVIDIYO: Vyo Nkamanyila mu Ichitembe cha Mulindilili—Mutakabe Kuchigaba cha Chisu ichi (5:16)

• Nkimba tungabomba buli-buli ukuti tutakabe kuchigaba cha chisu pa kabalilo ko tukwenelezya ibola?

• Nkimba tungabomba buli-buli ukuti tutakabe kuchigaba cha chisu nanti vyo abandale basala vikutukwafya?

• Nkimba vyo tukwenelezya pa TV pamo vyo abantu bakunena vingatukwafya buli-buli?

IFUNDO IZYAKUDUMULA

Abakilisitu bakubikapo umoyo ukuti batakabe kuchigaba cha chisu mu nyinong’ono, mu vyakunena sona na mu vyakubomba.

Ukunyokelamo

• Choni cho tubaghiye ukwivwila amaboma?

• Choni cho tutabaghiye ukwingililapo pa vyandale?

• Nkimba vintu buli vyo vingatupangisya ukuti tube kuchigaba cha chisu?

IFUNDO IZYAKONGELEZYAPO

Nkimba vintu buli vyo tubaghiye ukubomba ukuti tubukilile ukuleka ukuba kuchigaba cha chisu?

U Yehova Atatulekitepo Lumo (3:14)

Nkimba imbumba zingabomba choni ukuti zisengannye ku ntamyo zyo zingiza ichifukwa cha kuleka ukuba kuchigaba cha chisu?

Bukilila Ukuleka Ukuba Kuchigaba cha Chisu (4:25)

Choni cho mutabaghiye ukughana nkani ichisu chinu?

“Nachimo cho Chikupotwa kwa Yehova” (5:19)

Inong’onela mo mungabombela ukuti mubukilile ukuleka ukuba kuchigaba icha chisu pala mukusala imbombo.

“Munthu Yose Wayeghenge Mphingo Yake” (Ichitembe cha Mulindilili, icha Chitumbuka Malichi 15, 2006)