Bâ wa kuluka

Paulo nti kasa

VIDEO: Paulo ta samunina mutinu Agripa

1. Tala VIDEO, peleko tanga Bisalu 26:2, 3. Ha manima taluzula biyuvu bita landa:

1. Bwe Paulo kamonekena wa kuluka mu mpila yi kazonzela kwe mutinu Agripa?

2. Bwe Paulo kazangurila Yehova na Matsonoko kani katizangula yandi beni?—Tala Bisalu 26:22.

Ngano nti tuta longoka mu Paulo?

2. Bantu nsatu yibâka nawu ya wâ nsangu zeto bu tutâka zo mu buzitu na kuluka kwakwansoni.

Landa tifwani tia Paulo

3. Zonza mu buzitu. Bika mu songela ti misamu miamiansoni mia zebi mpe bakaka ka bazebi’â tima ko. Zonza na muntu mu buzitu.

4. Tomo songela ti Bibila ni titeko tia matieleka ma samunaka. Mu Zu dia Nzambi mabanza me mô masimbaka mitima. Bu tusarilaka Zu dia Nzambi, bantu tubakisaka mu tunga timinu tia ngolo.

5. Bâka wa lembama. Kusandi tiya mu songela ti mpemba ye naku. Ka tuzololo’â ko tadisikita na bantu. Moneka wa kuluka bu tatamana mu bâ wa dzuna mpe bu zabaka ntangu yi fweti kwenda. (Bin. 17:14; Tite 3:2) Mvutu ya lembama yilendi hana bweso bwa bâ na bimoko bia mbote mu bilumbu bita kwiza.