Malongi mu bungu dia ndongokolo

Silaka mikunga mieto nsimu

“Bilumbu biakaka bu nimonaka ti wa nôka ndiena, Yehova mbo kakuntindisaka mu nzila ya mikunga mie mu JW Télédiffusion.”—Lorraine, États-Unis.

“Mikunga mia timpeve” mu kati dia nsambululu ya Bakristo miena. (Kol. 3:16) Tala ti longokele mikunga mio mu mutimu’aku, milendi ku bakisa ni bu sa ti ka wena na buku dia mikunga ko dia papier peleko ka wena na apareye elektronike ko. Yêla mu sarila malongi mata landa makubakisa mu sila mikunga nsimu.

• Tanga misamu na bunsungu mu bakula nsasa. Tala ti bakuri nsasa ya tima, ka wubâ musamu wa mpasi ko mu bambukila tio. Misamu mie mu mikunga mieto miamiansoni, mu kati na mikunga mia bala, mbo baka mio mu jw.org. Mu Biblioteke, kota mu Mizike.

• Tsoneka ntelo ha papier. Mpila yo mbo yitomo ku bakisa mu bambukila mio. —Lub. 17:18.

• Tangaka mu zu dia tumbuka. Tangaka mukunga mbala zazingi.

• Dinga mu zaba ka ntia mikunga ta bambukila. Kudingandi mu tala ntelo zatsonama mu mukanda mu zaba tala ti za siriri nsimu, mpe ha manima tala mu zaba tala ti lendele.