Nzàmbi ni nani e?

1. Mubungudiantsi tufweti sambila Nzàmbi e?

Nzàmbi ya tsieleka ni m’vangi wa bima biabianso. Kena na mbatukulu ko, ka sa ba mpe na nsuka ko. (Mikunga 90:2) Nsangu za mbote ze mu Bibila kwe yandi zatuka. (1 Timote 1:11) Mbo we ti Nzàmbi watuhana luzíngu, ni yandi kwa tufweti sambila.​—Tanga Nzabukusu 4:11.

2. Nzàmbi bwe kena e?

Ka kwena muntu ko weka mona Nzàmbi mu bungu ti mpeve yena. Ni muta ti yena mpila ya luzingu yiyokele bivangu biabiansoni bia tsinsuni bie ha zulu m’toto. (Za 1:18; 4:24) Kâ tulenda zaba bifu bia Nzàmbi mu ndila ya bima biakasala. Mbutu za mitshi na bifulu bia mpila na mpila luzolo na ndwenga za Nzàmbi bitusongesaka. Mboko bunene bwa zulu ni butusongesaka ngolo zandi.​—Tanga Bisi-Rome 1:20.

Mbo tutangaka Bibila mbo tutomo vutu zaba bifu bia Nzàmbi bubote. Mu tsifwani Bibila ditutelele kantsi Nzàmbi kazololo, kantsi kalombolo zolo, kabwe kabelaka na bantu, mpe kabwe kamonaka tala ti tushiri diambu edi na edi.​—Tanga Mikunga 103:7-10.

3. Ngana Nzàmbi nkumbu ye nandi e?

Yezu wa ta ti: “Tata’eto we ku zulu, bika nkumbu’aku ya ba na bujitu.” (Matie 6:9) Nzàmbi titre (nkumbu za bujitu) zazingi ze nandi. Ka nkumbu moshi kwa yenandi. Zu na zu na mpila’andi ya tela nkumbu yango. Mu lari “Yehova” bataka. Kâ bantu bakaka “Yahve” batâkaka.​—Tanga Mikunga 83:18.

Nkumbu ya Nzàmbi yabakatula mu Bibila zazingi mpe bayingasa titre ntsiana: Mfumu na Nzàmbi. Kâ buna bwatsonama Bibila, nkumbu ya Nzàmbi keti ntsa 7 000 yeri mukati. Yezu nkumbu ya Nzàmbi yâ kazabikisa kwe bantu mbo keri balongesaka misamu mia Nzàmbi.​—Tanga Za 17:26.

Tala video Ngano Nzambi nkumbu ye nandi?

4. Ngana Nzàmbi beto kafwilaka tiari e?

Ngana bantu babingi mbo batamona mpashi ebu wutasongela ti Yehova katufwilaka tiari ko e? Bantu bakaka ebu bataka ti Nzàmbi mpashi katumuisaka ngati katumeka. Kabwena butsieleka ko.​—Tanga Zaki 1:13.

Nzàmbi wahana muntu moshi na moshi tsimpwanza tsia sola, ni mu songela ti lukumu katuhanaka. Ngana katuyangalalaka tsimpwanza ti katuhana ko tsia sola mu musarila? Kâ bantu babingi basolaka mu yirika misamu mia mbi kwe bampwanawu ntsiangu bantu babingi batamona mpashi. Yehova mbo kamonaka Misamu miango milombolo delakana, mpashi mimusaka ku mutima.​—Tanga Mbatukulu 6:5, 6.

Yehova wena Nzàmbi yi tufuilaka tiari. Wenandi ta ba na luzingu lwa nsayi. Ntamana mbo kakatula mpashi na bô bamwisaka bampwanawu mpashi. Kâ Nzàmbi bungu die nandi di katatubikila tamona mpashi mu mwa ntangu. Mu tsimoko 8 tulongokela bungu diango ka nidie.​—Tanga 2 Piere 2:9; 3:7, 13.

5. Bwe tulenda sa mu pusana kwe Nzàmbi?

Yehova wutulombele twapusana kwe yandi mu ndila ya lusambulu. Moshi na moshi kabandilaka. (Mikunga 65:2; 145:18) Mbo katambulaka mu tulenvokela. Ngolo zitusaka mu muyangirika za kamonaka ni tu sa ti yayana tuyayanaka ntangu zakaka. Ninga katwena balunga ko, kâ tulenda ba na ngwisani ya mbote na Nzàmbi.​—Tanga Mikunga 103:12-14; Zaki 4:8.