Ntsi bilendi tomesa zîngu mu kati dia kânda?

BIBILA TELE NTSI

“Nsayi kwe bô ba wâ zu dia Nzambi kâmpe ba sadila dio!”​—Like 11:28, Traduction du monde nouveau.

NTSIA MBOTE BAKA

Mbo lu baka nkatika luzolo.​—Bisi-Efeze 5:28, 29.

Nkatika buzitu.​—Bisi-Efeze 5:33.

Nkatika kidzunu.​—Marke 10:6-9.

NGÂNO TUFWETI KUIKILA MIO MI TA BIBILA?

Ee, ta tala m’samu miole:

• Ni Nzambi wa sala kânda. Bibila têle ntsi “makânda mâmanso . . . mabongele nkumbu awu” kwe Yehova Nzambi. (Bisi-Efeze 3:14, 15) Mpila mosi ntsi makânda mena mu bungu Yehova wa sala mo. Katu zimbakanandi wo; mu bungu dia ntsi?

  Banzeti: Tala bidia bia tomá ta dia, wenaku wa zaba ka bwe balambidi bio, na yula’ê? Fweti yula muntu wo lembi bio.

  Mpila mosi mpe, mu zaba ka ntsi bi hâna nsayi mu kati dia kânda, tufweti yula kwe Yehova, yandi wa sala kânda.​—Mbatukulu 2:18-24.

• Nzambi nge ka banzilaka. Bu bote buena tala makânda malendi malongi mô Yehova ka hânaka mu kati dia Zu diandi. Mu bungu dia ntsi? ‘Mu bungu Nzambi beno ka banzilaka.’ (1 Piere 5:6, 7) Yehova zololo bu bote bwaku​—kâmpe malongi mândi ndându kwa ma ba​—Bingana 3:5, 6; Izaya 48:17, 18.