Mbatukulu ya lweka 9

Lweka lu bantwenia luta zonzela, mbikuri na mitinu miabâ na timinu tia nzitukulu mu Yehova. Ku Siri, mwana Israele wumosi wa fioti wa wukento wabâ na lukwikulu ti Yehova mbo kaketi wasisa Namane. Mbikuri Elize lukwikulu lwabâ nandi ti Yehova mbo kaketi mu kengerela mu mukangu wa binwani wa bambeni. Mfumu-nganga-nzambi Yehoyada watûla luzingu lwandi mu mpasi mu kengerela Yoase mu bungu dia Atali, nkaka’andi ya mbi. Mutinu Ezekiase lukwikulu lwabâ nandi ti Yehova mbo kaketi vûkisa Yerusaleme, mpe watelamana mitsotso mia Bisi-Siri. Mutinu Yoziase wakatula nsambululu ya biteki mu nsi, wakârisa Tempelo, mpe wanata kanda dia Israele mu nsambululu ya matielaka.