Kubikandi mu bakisa bantu

Paulo nti kasa

VIDEO: Paulo tatamane mu samuna ku Efeze

1. Tala VIDEO, peleko tanga Bisalu 19:8-10. Ha manima taluzula biyuvu bita landa:

1. Kani kabika bu beri mu telamanaka, bwe Paulo katatamana mu bakisa bantu beri zoloko mu mu wirikila?

2. Mbala zikwa Paulo kakâla mu longesa bantu beri zoloko mu mu wirikila, mpe ntangu zikwa kasila bo?

Ngano nti tuta longoka mu Paulo?

2. Tufweti sarila ngolo mu kubikaka ntangu ya saka vizite za môna na ya batikaka ndongokolo za Bibila.

Landa tifwani tia Paulo

3. Delakasa programe’aku na ya muntu wu kwe tala. Tiyula: ‘Ngano ntia ntangu yidelakana mu mu monekena? Ntia ntangu mpe ntia mbuka yidelakana mu zonza na yandi?’ Bâ wa kubama mu kwe mu tala ni bu sa ti ntangu ka yita ku delakana ko.

4. Yula kwe muntu ntia ntangu vutu moka na yandi. Ku nsuka ya muna timoko, dinga mu kubika ntangu yi vutu moka na yandi. Sarila ngolo mu zitisa programe yo.

5. Tatamana mu bâ na tivuvu. Kubanzandi ti muntu ka wuta zolo ko mu longoka na nge mu bungu ti ka vulu’â bâka ku nzo ko, peleko ka bâka na ntangu ko. (1 Kor. 13:4, 7) Sarila ngolo mu kwe talaka muntu, kâ bâ na lukwikulu ti mu mpila ya mbote ta sarila ntangu’aku.—1 Kor. 9:26.