Sarila tinima tia nkotolo tia JW.ORG mu tisalu tiaku tia samuna

Mu tinima tia nkotolo ya site’eto, mwe na mitu-diambu na video zi bakubika mu yangirika bantu bê na bunsungu balembolo Mbangi za Yehova. (Bis 13:48) Tinima tia nkotolo nsangu tizonzelaka peleko misamu mi banzaka bantu na mi bazonzelaka.

Bwe lendi sarila tinima tia nkotolo tia jw.org mu tisalu tia samuna?

• Vulu kotaka mu site’eto. Tala bima bia môna, mpe dimbitila bwe lendi za sarila mu bakisa muntu. (Mu baka mitu-diambu miakaka mia môna mu tinima tia nkotolo, bweta ha “Tala biakaka.”) Bu vulu bakaka nsangu za môna mu site’eto, mbo wukubakisa mu bâ na mabanza ma môna ma sarila mu tisalu tia samuna.

• Sarila mitu-diambu na video mu tinima tia nkotolo mu batika timoko. Mitu-diambu mio milendi tu hana mabanza mu misamu mi banzaka bantu mu teritware.

• Songela tinima tia nkotolo kwe muntu. Zonzela mutu-diambu wumosi, mpe songela kwe muntu bwe kalendi sarila site’eto.

• Kaba lien. Bantu bakaka kekama bakekamaka mu tu zonzesa, kâ bazololo mu kota mu site’eto. Buna kukekamandi mu batambikila lien ya tinima tia nkotolo, ya mutu-diambu peleko ya video yimosi ya tinima tia nkotolo.