Malongi mu bungu dia ndongokolo

Toko kipa bima bie nguria mfunu

Beto bansoni ka tubâka na ntangu yayingi ko mu sa ndongokolo ya beto beni. Ngano bwe tulendi sarila ntangu’eto mu bakila yo ndandu? Musamu wa ntete, bonga ntangu ya fwanana mu mio mi ta tanga. Mbo baka ndandu yayingi bu longoka misamu mia fioti na bunsungu bwabwansoni, kani walongoka miamingi mu ntinu-ntinu.

Ha manima, tala misamu miyôkele mfunu. (Efz. 5:15, 16) Taluzula mabanza ema:

• Tangaka Bibila bilumbu biabiansoni. (Mik. 1:2) Programe ya ntangulu ya Bibila ya lukutakanu lwa ha kati dia lumingu yilendi tomo tu bakisa mu batika.

• Kubamaka mu bungu dia ndongokolo ya Nzo ya Zangama ya Munkengi na mu bungu dia lukutakanu lwa ha kati dia lumingu. Kubamaka mu hana mvutu ku lukutakanu.—Mik. 22:22.

• Bu bâka na ntangu dingaka mu tanga na tala bidia biakaka bia timpeve, ntiana zurnale zeto, video na bimoko bie mu jw.org.

• Longoka mutu-diambu wuta zolo. Lendi sa recherches mu musamu wa mpasi we naku, tiyuvu peleko mu musamu wu tâka Bibila wu zololo watomo bakula. Mu baka mabanza, kota mu “Bisalu bia ndongokolo ya Bibila” peleko “Explore la Bible” mu jw.org.