ISOMO 28
Losya Lusimo ku Kitondo kyakukitile Yehowa nu Yesu
Buni b’ukwijungwaga ndi mwida wobe akukasa lukaso lusoga? Lebelebe, lunakulisizya mbogimbogi nu unatunda kumusima ku kabamba ka lukaso lwongo. Yehowa nu Yesu batukasile lukaso lunene nunse kutinga nkaso insania zitunakaswa. U lukaso lukizi, nu buni butunalosya lusimo ku lukaso lwongo?
1. Nzila ikizi imozi zitunalosya kuzo lusimo ku kitondo kyatukitile Yehowa nu Yesu?
Biblia byalaga buno “muntu unsania wamukatizia” Yesu, enalama milyalya. (Yoana 3:16) Kukatizia Yesu kuli na bwisulilwa bukizi? Kuli na bwisulilwa bwa kukita byeingi kutinga tugu kulosya bukatizio mu Yesu. Twatunganana tondi kulosya bukatizio bweitu kutingila bintu bitwasombola kukita nu misako zeitu. (Yakobo 2:17) Ndi twalosya bukatizio bweitu kutingila bibyo bitukukita nu bibyo bitukutenda, nti twagugumania bwida bweitu gamozi na Yesu nu Isé, Yehowa.—Soma Yoana 14:21.
2. Mbaselo nkizi zikutukasa kiziki kya kulosya lusimo lweitu ku kitondo kyatukitile Yehowa nu Yesu?
Mu igolo izinda lwabusio lwa kukua kwage, Yesu alosizye beigisibwa bage ingo nzila zakulosya kuzo lusimo ku kisansa kyage. Alingizye kukita kisagulo kikumanwa mu Biblia “Idia [lya Mwigolo] lya Mukota,” aba kakengelesio ka lukuo lwa Kristo. (1 Bakorinto 11:20) Yesu alingizye kukita kikyo kisagulo buno basingwa nu Bakristo bansania ba bulili bekavwa kumbusa kwa basingwa bakengele buno, akasanine kalamo kage ku kabamba keitu. Ukinsa Yesu akakizizie bunee: “Kitazi bubuno bumukankengelaga.” (Luka 22:19) Gawakundamana ku kakengelesio nti walosya lusimo ku lutundo lunene lwatulosizye Yehowa nu Yesu.
TUMENYININE
Lola nzila ziunalosya kuzo lusimo ku lutundo lunene lwalosizye Yehowa nu Yesu. Ijigisye kabamba kakizi Kakengelesio ka lukuo lwa Yesu keli ka mutali nunse.
3. Tunakita kikizi kwa kulosya buno tuli na lusimo?
Kengela muntu akonia gawabezaga use wagela na mazi. Ndi uneibilila mponga zakukitile wozo muntu? Aba unalonda tugu buni b’unamulosya lusimo ku kitondo ky’akukitile?
Yehowa onia kalamo keitu kwa kukasana Mwana wage kuba kisansa kya bukuluzi. Soma 1 Yoana 4:8-10, nu kusila ibuzye zeno mbuzya:
Kabamba kakizi kisansa kya Yesu kili kya mutali nunse?
Buni bukwijungwa ku kitondo kyakitile Yehowa nu Yesu kuguli?
Buni butunalosya lusimo lweitu ku kitondo kyatukitile Yehowa nu Yesu? Soma 2 Bakorinto 5:15 nu 1 Yoana 4:11; 5:3. Kusila kusoma isanzo imozi lwabusio lwa kutinga ku ingo, ibuzye luno lubuzya:
Kulembana na lino isanzo, buni butunalosya lusimo lweitu?
4. Janga Yesu
Ingo nzila za kulosya kuzo lusimo lweitu ku kisansa kya bukuluzi u kujanga musumo wa Yesu. Soma 1 Petro 2:21, nu kusila ibuzye luno lubuzya:
Unajanga masomoneno ma Yesu mu nzila nkizi?
Kampampa nu divai tuli tulolesio. Kampampa keli kalolesio ka mubili wasililila wakasanine Yesu ku kabamba keitu. Divai zalosya mikila zage
5. Kundamana ku Kakengelesio ka lukuo lwa Kristo
Kwa kumona buni bwatingile Kakengelesio katangi ka Idia lya Mwigolo lya Mukota, soma Luka 22:14, 19, 20. Nu kusila ibuzye zeno mbuzya:
Buni bwatingile Idia lya Mwigolo lya Mukota?
Kampampa nu divai byalosya kikizi?—Lola mulindi 19 nu 20.
Yesu atundaga buno beigisibwa bage bakengele Idia lya Mwigolo lya Mukota limbizi limozi ku mwaka ku kikyo kindi ky’akule kukyo. Ukinsa Balongeki ba Yehowa bekukundamanaga gamozi ku mwaka, kwa kukengela lukuo lwa Kristo anga bubo bwabasegile Yesu. Kwa kumenya byeingi ku kabamba ka wono mukundamano wa mutali nunse, lola VIDEO. Kusila ibuzye luno lubuzya lwalemba.
Buni bukutinga Kakengelesio ka lukuo lwa Yesu?
Yesu atundaga Kitondo kya Kalaga, asambalaga musagu musoga, nu kukasya bango
NDI MUNTU AKUSOLELA BUNEE: “Ndi wakatizia tugu Yesu nti ukonibwa.”
Buni b’unakambya Yoana 3:16 nu Yakobo 2:17 kwa kulosya buno kuli bintu byeingi byasegwa kukita?
MAKENGELO MANENE
Tukulosya buno tuli na lusimo ku kitondo kyakitile Yesu ku kabamba keitu kwa kulosya bukatizio mweli nu kukundamana ku Kakengelesio ka lukuo lwage.
Mbuzya za kwikengelesya
Kukatizia Yesu kuli na bwisulilwa bukizi?
Buni b’unalosya lusimo ku kitondo kyakitile Yehowa nu Yesu ku kabamba kobe?
Kabamba kakizi buli busoga kukundamana ku Kakengelesio ka lukuo lwa Kristo?
LONDA LINGO
Lukuo lwa Kristo lwatukakiziakukita kikizi?
Ijigisye byeingi ku kabamba ka bukatizio nu buni butunabulosya.
“Losya Bukatizio ku Malagi ma Yehowa” (Munara wa Mulinzi, Mwezi wa 10, 2016)
Lola buni bwagalukile kalamo ka mukikulu umozi gamenyile bwisulilwa bwa kisansa kya Yesu mu kalamo kage.
“Biblia Bikugalukyaga Kalamo ka Bantu” (Munara wa Mulinzi, 1 Mwezi wa 8, 2011)
Lola kabamba kakizi bantu bakeke tugu u bekulya kampampa nu kunua divai ku Kakengelesio.