ISOMO 45
Kutaba ku Lulenge Kishembe Kuli na Bwisulilwa Bukizi?
Yesu abwinde beigisibwa bage buno tabatunganana kuba “ba kisi.” (Yoana 15:19) Bubo bwisa munda kutaba ku lulenge kishembe—inube mu bitondo bya politike bya kino kisi nu ku bita. Lebelebe, buli bubibu kutaba ku lulenge kishembe bindi binsania. Bantu benatwenega ku kabamba ka bubo. Buni butunendelela kutaba ku lulenge kishembe nu kusigala bakatizia ku Yehowa?
1. Bakristo ba bulili bekubezaga na makengelo makizi ku guvernema za banakantu?
Bakristo bekulosya lwanzo ku guvernema. Tukukitaga bubo bwatendile Yesu bunee: “Kasazi Kaizari bya Kaizari”—u kutenda buno, tukulosya lwanzo ku milembe za nsi anga zezo zikusega kuliga kodi. (Marko 12:17) Biblia bigisya buno guvernema za banakantu zikwangata kubuno Yehowa u wazisiga ziangate. (Baroma 13:1) Ukinsa twamenya buno guvernema za banakantu zili na myaga. Twalemanina Kalaga nu Bukota bwage bwa mwigulu u bukasila tugu tunkunku twa banakantu.
2. Buni butunalosya buno tatuli ku lulenge kishembe?
Anga Yesu, tatukubezaga mu politike. Gamonile bantu muganogano umozi ku miganogano zakitile Yesu, balondile kumukita kuba Mukota wabo wa ga kisi, tondo we nteitabizizye bubo. (Yoana 6:15) Kabamba kakizi? Kubuno, anga bubo bwatendile: “Bukota bwane tabuli bwa kisi kikino.” (Yoana 18:36) Kubuno tuli beigisibwa ba Yesu, tukulosya buno tatuli ba lulenge kishembe mu nzila zatingana-tingana. Anga, tatukukasya ku bita. (Soma Mika 4:3.) Tukulosya lwanzo ku tulolesio twa nsi—anga drapo—tondo tatukukumbamina tulolesio twongo. (1 Yoana 5:21) Tatukubezaga ba parti kishembe za politike aba tatukuguna lulenge kishembe nu tatukubezaga bantu ba kandida kishembe. Mu nzila zezo aba mu ingo, tukulosya buno tuli lebelebe bakatizia ku guvernema za Kalaga—ukutenda buno Bukota bwage.
TUMENYININE
Lola kikizi kinabika kutaba kweitu ku lulenge kishembe mu malindiko, nu lola buni b’unakata bulamuzi busoga bukutananizya Yehowa.
3. Bakristo ba bulili tabekubezaga ku lulenge kishembe
Yesu nu beigisibwa bage batusigile musumo wa kulemba. Soma Baroma 13:1, 5-7 nu 1 Petro 2:13, 14. Kusila, lola VIDEO nu kusila ibuzye zeno mbuzya zalemba.
Kabamba kakizi twatunganana kulosya lwanzo ku bangati?
Tunabalosya lwanzo mu nzila nkizi?
Mu nkungu za bita, bilongo bimozi binamoneka buno tabili ku lulenge kishembe, tondo nti bikukasya mu lumbisombiso ku bita. Lebelebe, kutaba ku lulenge kishembe kuli na bwisulilwa bukizi? Soma Yoana 17:16. Kusila, lola VIDEO nu ibuzye luno lubuzya lwalemba.
Kutaba ku lulenge kishembe kuli na bwisulilwa bukizi?
Unakita kikizi ndi bakulu ba mbulamatali bakusega kukita bitondo byengukana na milembe za Kalaga? Soma Misako 5:28, 29. Kusila, lola VIDEO nu ibuzye zeno mbuzya zalemba.
Ndi milembe za banakantu zengukana na milembe za Kalaga, twatunganana kulemba milembe za nazi mu nkungu zezo?
Ukukengela buno Bakristo tabatunganana lingo kulosya lwanzo ku bakulu ba mbulamatali ku kikizi?
4. Ntube ku lulenge kishembe mu makengelo nu misako
Soma 1 Yoana 5:21. Kusila, lola VIDEO nu ibuzye luno lubuzya lwalemba.
Mu zeno video, kabamba kakizi Ayenge akatile bulamuzi bwa kuteisambikya mu politike aba kutaganuna nsi anga kwimbila drapo?
Ukukengela buno akatile bulamuzi busoga?
Kutaba kweitu ku lulenge kishembe kunagelekwa mu ingo nzila nkizi? Lola VIDEO, nu kusila ibuzye zeno mbuzya zalemba.
Buni butunalosya buno tatuli ku lulenge kishembe gatukulola meija kishembe mekweswa na bilongo byatingana-tingana?
Buni butunalosya buno tatuli ku lulenge kishembe ndi bantu ba politike bakata bulamuzi bunatwinia mutima aba bunatulisizya mutali?
Misagu ziukungwa ku lalio nu ku televizio aba ku bantu, zinaba na mbaselo nkizi ku kutaba kwobe ku lulenge kishembe?
Mu nzila nkizi Mukristo ntatunganana kuba ku lulenge kishembe mu makengelo nu misako?
MUNTU ENAKUBUZYA BUNEE: “Kabamba kakizi ntukwimbilaga drapo?”
Unamwakula buni?
MAKENGELO MANENE
Bakristo bekwidindika kulosya buno tabeli ku lulenge kishembe lwa politike kutingila makengelo, bitondo nu misako.
Mbuzya za kwikengelesya
Twatunganana kuba na makengelo makizi ku guvernema za banakantu?
Kabamba kakizi tatukubezaga ku lulenge kishembe lwa politike?
Kutaba kweitu ku lulenge kishembe kunagelekwa mu nzila nkizi?
LONDA LINGO
Bikizi bitwatunganana lingo kusiga kwa kutaba ku lulenge kishembe?
Bikanga binakita kikizi kwa kumenya bibyo bibekakita gabekakulumana na malindiko ku kabamba ka kutaba ku lulenge kishembe?
Ntube ku Lulenge Kishembe ku Bitondo Bikukitwa na Bantu Bansania (4:25)
Kabamba kakizi muntu ntenaganunwa nunse ndi ekutendela nsi zage?
Lola buni butunakita kwa kutaba ba kisi mu nkungu za kusombola mulimo utwakite.
“Na Muntu na Muntu Atunganana Kweka Muzigo Wage” (Munara wa Mulinzi, 15 Mwezi wa 3, 2006)