Bblo le kʉ nari

Yesu njingʉe ná lo

VIDEO: Yesu nga nyǒ kʉ ná ddikpa ke gø

1. Anja VIDEO, inga azø Yohana 9:1-7. Føri goti addinga i ngadhudha djo:

1. Ya kwanza ká Yesu njingʉe ngbá lo​—ke ká gøngʉe nga nyǒ kʉ ná ke i vi inga ke ká d’rangʉe hwè dhi lo-i i vi ke dho?​—Anja Yohana 9:35-38.

2. Ni ká riddi fø ke ungʉe Yesu dhó lo ndi rr nari addudho?

Ko ká ba ngbá somo Yesu dhó lo nǎ ro?

2. Ddikpa le di rinja ko ngaddi nì ndi djo ró le ka ndi u kodhó lo u.

Adyø Yesu

3. Adi ni li le rɨngana. Aneri ni ddinga ngbaribbai ma le ndi mbu nari djo.

1. Adhuri ni tso: ‘Le nanga ká addu d’o? Le tsotso ká ngbá lo ka ndi kó inga le nyǒ ká ngbá lo ka ndi tho?’ Fø ni rinji nari si rili ni njí bblo lo ngbà thonga ná chu nǎ ndirigoti ni thí nǎ ro.

2. Adho ni li ni dyu ngbà ddikpa le po ni dho ná lo ró nari le ni rr nari chulu. Ddikpa le d’ra ni dho ngbaribbai ma ndi ndi mbu nari inga ndi bani na ná kpakpalo ró, nzɨ tilo d’i lo djo.

4. Adi loti bblo ndirigoti heshima na. Zølo ni dhǒ nja ndrŭ dho ndirigoti ni rine ni kó kpa tsotso bbʉbbʉ nari ka ndi dhoni nidhó lotidha chulu. Adi ngaddi ni po ná lo ma, ngbaribbai ma ni ripo nari ma na djo bblo ndirigoti apʉ vó ka ndi vo ndrŭ thí ronga ná lo ni po nari.

5. Adi ndrŭ tsotso kó. Ane ni ronga na ni ka ni kó ndrŭ tsotso ná chu. Bblo lo ko nji nja ndrŭ dho nari ka ndi liri kpa u kodhó lo u.