Nga ni zø ná saa na ni ba ná lo ro adi d’ra nja ndrŭ dho

Biblia ko zø ná saa na, ko adi ko mbu bblo. Ro, nja ndrŭ na ko loti Biblia nǎ ro koe ko tsotso ná lo djo ná saa na, ko adi ko mbu bblo pli. Mezali 11:25 ripo: “Nja ndrŭ djo dda ddó ná ke ronga maddi le si ze dda na.”

Njati ko di ko zøe ná lo d’ra nja ndrŭ dho ró, føri ka ndi liri rié sʉsʉ ko no ko zøe ná longa ndirigoti ko famu ri bblo pli. Ndirigoti nja ndrŭ dho ko ko zøe ná lo d’ra nari ka ndi liri ko é hwè na dhonalo ri ka ndi bbʉ faida kpa dho.​—Mdo. 20:35.

Ambu i lo: Gosi ná yenga ddo kana, ane ngbaribbai ma ni ka ni d’ra ni zøe ná lo ro nja dho nǎ ná chu ro. Føri ni ka ni njí nibbá familia nǎ ndrŭ na, nidhó kutaniko nǎ ndrŭ na, ni kuso lu e ná ndrŭ na, ni lai darasa nǎ nzø na inga lod’radha dhi njí gʉ. Amburi ni d’ra lo ni adi loti nari nganga bbai ndirigoti pʉlʉpʉlʉ.

Ano i lo nga: Ali ndrŭ kpakpa ni zøe ná lo na, ro nga ni tá na do ndrŭ na ri.​—1 Ko. 8:1.