Angʉ lo tso dhʉdhʉ

Yesu njingʉe ná lo

VIDEO: Kodhi Baba adi ngaddi nì ko djo nari Yesu dhǒ loroji ró

1. Anja VIDEO, inga azø Matayo 6:25-27. Føri goti addinga i ngadhudha djo:

1. Yova adi ngaddi nì ko djo nari ká Yesu dhongʉe loroji ró ngbaribbai?

2. Ngbà mai Yesu chungʉe bí kʉ ná lo rè djo ro, ke ká tingʉe lo dhʉdhʉ le ka le famu ná ngbá lo djo? Føri ká ngʉe bblo le ka le ddi longa ná chu addudho?

Ko ká ba ngbá somo Yesu dhó lo nǎ ro?

2. Ko di loddi dhʉdhʉ kʉ ná chu nǎ ró, ndrŭ ka ndima nó fø lo nga nó ndirigoti ri ka ndi lø kpa thí ronga lø.

Adyø Yesu

3. Nzɨ di loti bbo. Ni churie ná lo ni d’rae krʉ ddikpa lo djo nari rɨngana, ali ni thí ni jifunza ná kichapo nǎ kʉ ná lo djo. Nga ni dhu nari goti, ab’o nidhó jibu ngatsovedha na. Njati ke chu jibu nzá inga ke bbʉ ná jibu é njonjo Biblia nǎ lo ró ro ró, anjinjí nja ngadhudha na ndiri kó ke tsotso ke ddinga fø lo djo d’e. Njati mwanafunzi famu bbo na mana kʉ ná lo b’lo ró, anira anzi.

4. Anjinjí b’lo mwanafunzi churie ná lo na ndiri kó ke tsotso ke famu ø lo d’e. Loroji na, gadha djo tilo ná somo tso ni nga nari njí, ni ka ni tilo ro sese b’lo mwanafunzi chu checheni ná ndrŭ dhó hali djo ná lo djo.

5. Anjinjí loroji na bblo. Loroji na ni njínji nari njí, adhuri ni tso:

1. ‘I loroji ká kʉ dhʉdhʉ i nì?’

2. ‘Madhó mwanafunzi ká si fø lo famu dhʉdhʉ i nì?’

3. ‘Ri ká ka ndi kó madhó mwanafunzi tsotso ke nó bbo na mana kʉ ná lo nga ngbà, ro nga loroji nga dhé ri?’