NYONGEZA C
Ngbaribbai ma le ka le njinjí Anji Maisha Hwè Theinga dho! na ndiro le njí funzo d’e nari
Le-djoi njingʉe sala bbo ndirigoti kpa nengʉe buku Anji Maisha Hwè Theinga dho! na ndima tsu ná lo nanga li ndima li ndima dyu ro. Ndiro ni njinjí bblo fø buku na d’e, anjinjí i ufundi na funzo ni nji ná saa na.
Funzo njí
1. Anji matayarisho bblo. Fø ni rinji ná saa na, addinga nidhó mwanafunzi dhó mahitaji ma, kedhó hali ma, ke u ná lo ma na djo. Addinga nzá ke ka ndi famu tse ná lo djo inga nzá na ke ka ndi njinjí lele ná lo djo. Aneri ni chu ngbaribbai ma “Ni ka ni chu ná nja lo” tsena kʉ ná lo ka ndi kó nidhó mwanafunzi tsotso nari ndirigoti adi tayari ni njinjí ri na funzo dhi saa na kedhó lo u ri ró.
Funzo dhi saa na
2. Anga lo tso ndirigoti adya lo tso sala na ngbà mwanafunzi uri ró.
3. Nzɨ tilo bbo. Ali ni thí ni jifunza ná buku nǎ lo djo ndirigoti abbari mwanafunzi d’ra ndi thí nǎ kʉ ná lo.
4. Rie ddikpa sehemu tso ni nga ri ró, anizø bbo lo le ndi ná ngana kʉ ná lo ndirigoti anitilo ro sese ri tsena njonjo kʉ ná somo djǒ djo.
5. B’lo ni dyá ddikpa sehemu tso ró, anjinjí fø sehemu tso le dya ná ngana lo djolu le ngʉ na ná lo na ndiro mwanafunzi nó ndi jifunza ná lo nga d’e.
6. Ddikpa somo ni jifunza mwanafunzi na ná saa na:
Anizø ri tsena kʉ ná lo.
Anizø “Azø” le ndi tso ró ná maandiko krʉ.
Anizø nja kʉ ná maandiko maddi nidhó lo u ri ró.
Aninja “Aninja” le ndi tso ró ná video krʉ (rie nì ri kʉ ri ró).
Adhu krʉ kʉ ná ngadhudha mwanafunzi tso.
Anziri mwanafunzi nja “Ane lonanga bbo” tsena kʉ ná ji ndirigoti ke tu ri nanga.
Anjinjí “Muradi” dhi kisanduku na ndiri kó ke tsotso ke nja ndi ka ndi njí maendeleo kiroho nǎ ná chu d’e. Ni ka ni li ke kpakpa ke njinjí føga le bbʉ ná muradi na inga ke li nja muradi ndi nji inga ke njinjí ri krʉ na.
Adhu nidhó mwanafunzi e matayarisho nji ná saa na ká ke bae bbo tho ndi nyǒ ná lo inga ná video ro ddi ma “Ni ka ni chu ná nja lo” tsena nari ke tso.
Animburi ni di ddikpa sehemu nǎ kʉ ná njonjo somo tso dyá krʉ.
Funzo goti
7. Adi ngaddi nidhó mwanafunzi djo. Anziri Yova tso ke le nidhó mwanafunzi dhó maendeleo ronga ndirigoti ke bbʉ nyodyu ni dho ndiro ni chu ngbaribbai ma ni ka ni kó ke tsotso nari d’e.