Nga Ni Zø Ná Saa Djo Ka Ndi Kó Ni Tsotso Ná lo
Ngbaribbai ma ni ka ni njinjí bblo “Ø lo” tsena e ná lo na nari
JW Library® inga jw.org djó “Ø lo” nǎ e ø si kodhó site djó ná video ma, vichapo ma na. Ni ká ka ni ba ø si ná lo fø ngana ngbaribbai?
JW Library djó
Ø si ná lo le adi li ri ma lai nja ri kʉ ná ngana. Føri dzá lo dho njati ddikpa video inga vichapo si “Ø lo” tsena ró, ni ka ni telecharge ri thei. Føro ni ka ni zø ø lo ndima sie nari bbai inga ø sie nari djó ro kpø drrdrr ri djo.
Nja kʉ ná vichapo nzá ni ka ni zø krʉ ddikpa ina ri, føri i kʉ gazeti ro mai. Nja ni b’o nzá zødha tso ni d’e dya ná ri ronga d’e, ali gazeti nidhó Favoris dhi liste kana kpø ni ri zødha tso dya ná nga djo.
JW.ORG DJÓ
Njari kʉ, ø si ná lo ma, nja matangazo ma na, ná føri e jw.org djó dhé ro nga JW Library djó ri. Adi nganja “Ø lo” tsena bí ina nja ni ba ø si ná lo d’e.