SOMO 34
Ko ká ka ko dhǒ jidha Yova dho ngbaribbai?
Biblia zødha tso ni ngangʉe ná nga djó ro, ká nidhó jidha ki ndrini ngbà Yova djo? Ni ká jiri ni kana kau di kpakpa ngbà ke na? Njati rie fø ró, anonga nari kʉ, Yova djo nidhó jidha di dhidhi ró, ke maddi si ni jiji ndirigoti ke si ni ronga b’ob’o. Ni ká ka ni dho ni ji ke ji nari ngbaribbai?
1. Ko ká ka ko dho Yova ko ji nari ngbaribbai?
Ko adi jidha dho Yova dho, nga ko rr ke dho nari chulu. (Azø 1 Yohana 5:3.) Ke nzɨ adi ddikpa le ro ma cho ddi nja ndi rrnga ndi dho d’e ri. Ro, ke bbʉ longavʉdha ko krʉ dho ndiro ko vʉri ko ká ka ko rrnga ndi dho rr inga nzá ma nari d’e. Fø ká ke njiri addudho? Yova jiri “ko rrnga ndi dho ko thí nǎ ro krʉ.” (Waroma 6:17) Fø lo na mana kʉ ke jiri ni rrnga ndi dho, nga le ni chocho nari dho ri, ro ni ji ndi ji ná lo dho. I buku nǎ sehemu ya 3 ma, ya 4 ma na si ni tsotso ko ndiro ni dhǒ jidha Yova dho, ke ji ná lo ni nji ndirigoti ndro ke ndro ná lo ni pʉpʉ ni ró ro nari chulu.
2. Yova dho ko jidha dhǒ nari ká ka ndi e kpakpa addudho nja saa na?
“Bí kʉ ná vodha adi si chø kʉ ná lo nji ná ke djo.” (Zaburi 34:19) Ko krʉ adi hwini ko kaka nzá nari na. Nja saa na ko ka ko hwini njedha tso ró, chø kʉ ná lo njini nzɨ nari tso ró ndirigoti nja kʉ ná kpakpalo tso ró. Nza ko nzani ná saa na, ri nga ka ndi é sʉsʉ ko dho ko njí Yova nzi ko tso ná lo ri, dhonalo fø saa na rie sʉsʉ le nji nga kʉ chø ná lo. Ro ni di Yova ji ná lo nji chí ni tøni ro ró, ni ridho ni ji ke krʉ kʉ ná ritsi djolu. Ndirigoti føri na ni ridho ni tøni chí ke dho. Føri goti ke si tøni chí ni dho. Ke nzɨ si ni ro bba karnø maddi ri.—Azø Zaburi 4:3.
ANE LONANGA BBO
Aneri ni chu addudho ma Yova dho ni ngarr nari adi hwè bbʉ bbo ke dho nari ndirigoti ni tsotso ka ndi kó ná lo ndiro ni njiri fø d’e.
3. Shetani pò ni djo ná lo
Biblia nǎ Yobu dzá buku ridho nari bbai, Shetani bbøngʉe Yobu ma, ngba ji ndima njinjí Yova dho ná ndrŭ ma na krʉ. Azø Yobu 1:1, 6–2:10, ndirigoti anitilo i ngadhudha djo:
Shetani ká ngʉ riddi Yobu ngʉ ngarr Yova dho addudho?—Anja Yobu 1:9-11.
Shetani ká pongʉe ngba lo krʉ kʉ ná ndrŭ djo, ni ma na?—Anja Yobu 2:4.
Azø Yobu 27:5b, ndirigoti anitilo i ngadhudha djo:
Yobu ká dhongʉe ndi ji Yova bbʉbbʉ nari ngbaribbai?
Yobu dhongʉe jidha Yova dho chi ndi tøngʉeni ke dho nari na
Ko adi jidha dhǒ Yova dho chí ko tøni ke dho nari na
4. Abbʉ hwè Yova thí dho
Azø Mezali 27:11, ndirigoti anitilo i ngadhudha djo:
Yova ká adi ndi mbu ngba njati ni e nyodyu na ndirigoti ni di ngarr ndi dho ró? Ká addudho?
5. Ni ka ni tøni chi Yova dho
Jidha na ko kʉ Yova djo nari adi ko ronga cho, ko tilo ke djo nja ndrŭ dho. Ko tøni chí Yova dho nari dho, ko adi loti ngo dhé ke djo njati rie kpakpa ma ri kʉ ko dho ri ró. Aninja VIDEO, ndirigoti anitilo i ngadhudha djo.
Ni dho ká rie kpakpa ni tilo nja ndrŭ na Yova djo?
Video nǎ ni njari nari bbai, addui ká kongʉe Grayson tsotso nja ndi si do djolu d’e?
Ri ka ndi e sʉsʉ ko tøni chí Yova dho njati ko ji ke ji ná lo ndirigoti ko ndro nzá ke ji ná lo ndro ró. Azø Zaburi 97:10, ndirigoti anitilo i ngadhudha djo:
Ni jifunza ri nari bbai, ji Yova ji nari ká kʉ ngba lo? Nde ndro ke ndro nari ká kʉ ngba lo?
Addui ká ka ndi kó ni tsotso ni ji bblo kʉ ná lo ndirigoti ni ndro che kʉ ná lo?
6. Ko adi faida ba Yova dho ko ngarr nari nǎ ro
Yova dho le ngarr nari kʉ krʉ ddo ró bbo pli thonga ná lo. Azø Isaya 48:17, 18, ndirigoti anitilo i ngadhudha djo:
Yova chu bblo kʉ ko dho ná lo ngba nari ká ni ka ni u ngbà? Ká addudho?
B’lo ni chu Biblia nǎ ro ná lo ma, bbʉbbʉ Mungu Yova djo ni chu ná lo ma na ká ko ni tsotso ngbaribbai?
NJA NDRŬ ADI RIPO: “Madhó nyí di ngba ma ró, føri ro nzɨ Mungu nja che ri.”
Ni ká ka ni njinjí ngbá andiko na ndiri na ni dhori nari kʉ, ko nji ná lo ka ndi bbʉ hwè Yova thí dho inga ndi bbʉ njedha ke thí dho?
LO DZÁ DɄNGA
Ko adi ridho ko ji Yova nga ko rr ke dho ndirigoti ke ji ná lo dhé ko nji nari chulu, ri é kpakpa ma ri kʉ ko dho ri ró.
Lo djolu le ngʉ nari
Yobu dhó loroji nǎ ro ká ni ba ngbá somo?
Ni ká ka ni dho jidha Yova dho ngbaribbai?
Addui ká ka ndi kó ni tsotso nja ni tøni chi Yova dho d’e?
NI KA NI CHU NÁ NJA LO
Aneri ni chu ngbaribbai ma ni ka ni tøni chi Yova dho ndirigoti kutaniko dho nari.
Aneri ni chu Shetani ká bbøngʉe ndrŭ ngbá lo na ma nari.
“Yobu Anaendelea Kuwa Mushikamanifu” (Biblia Iko na Habari Gani? sehemu ya 6)
Anja ngbaribbai ma jadda nzø ma ka ndima dho ndima dhó jidha ddi Yova dho nari.
Jadda nzø ká ka ndima tøni chi ngbaribbai Mungu dho njati rie kpa lai nja kʉ ná nzø kpa cho chelo njidha dho ma ró?