Sa Mutokwiibaluka?

Sa mutokwiibaluka nshotwakeeya kuswa mumitwi ipusenepusene yamu Njashi Yamulindilishi yamu 2022? Amucane shikumbulo kumiipusho itokonkelaawo:

Ino kubandika, kukutika, alimwi akuyeeya pali Yehova kulaakutucafwa buyani?

Kulaakutucafwa kusala kabotu, kuya panembo mukwiisha kwesu, kuyumya lushomo lwesu, alimwi akumusuna abuumbi Yehova.​—w22.01, mape. 30-31.

Ino kushoma Yehova abaabo bamwiimikaninaako kulaakutucafwa buyani?

Cino nceciindi ncotweelete kwiiya kushoma Lesa mbwaacita shintu kwiinda mukukonkela butanjilishi mbwaatupa kwiinda mubamanene. Paciindi camapensho anene, tulaakuba balibambite kukonkela butanjilishi mbweshi tukapekwe nabi bukaboneke bweensu kuli ndiswe.​—w22.02, mape. 4-6.

Ino munjelo wakalinga kusansulula nshi ndyaakalwiita Sekaliya sha ‘cipimo cakupimina bulaamfu bwa cintu cakalinga mulyaansa lya [mweendeleshi waba Juda] Selubabelo’? (Seka. 4:8-10)

Cili anga nciloto cakacafwa bantu bakwe Lesa kushiba kwaamba ayi nabi tempele yakalinga kuboneka iniini payeeyo yakalingaako kale kale, ilaakumana alimwi ilaakuba kweelana a Lesa mbwaasuni.​—w22.03, mape. 16-17.

Ino inga twacita buyani kwaamba ayi tutondeshe ‘cakubonenaako cibotu . . . mushintu nshetwaamba’? (1 Timo. 4:12)

Kwiinda mukubandika cakutondesha nkumbu abulemu ndyetuli muncito yakushimikila, kwiimba camoyo woonse, kukumbulawo lyoonse kumabungano, kwaamba lushinisho, kuyuminisha bamwi, alimwi akuleya myaambo itabete kabotu.​—w22.04, mape. 6-9.

Ino nceebonshi mbonekelo ya banyama bone (maleelo) baambwa mulibuku lyakwe Danyelo capita 7 nje mbonekelo ya munyama womwi waambwa pa Ciyubululo 13:1, 2?

Munyama waambwa pa Ciyubululo 13 teemikanini buleelo bomwi, mbuli buleelo bwa Loma. Sombi aleemikaninako mfulumeende sha bantu shoonse shili pacishi capanshi kuswabo kale kale.​—w22.05, pe. 9.

Ino inga twatondesha buyani ayi tulashoma bululami bwakwe Lesa?

Na muntu umwi watukalasha na kutubishisha, tuleelesha kutatolelela kuba ukalalite alimwi akutabikila mfundilishi, tulashiya shoonse mumaansa akwe Yehova. Alaakukushawo shibiibi shoonse shakesa ceebo cakubisha.​—w22.06, mape. 10-11.

Ino mukwesu wapekwa coolwe cakupaila kumabungano alyeelete kwiibaluka nshi?

Ciindi cakupaila teshi nceciindi cakwaamba shakoolobesha na kululika bamwi mulibungano. Bunene bunene na mabungano ndyaatootalika, taeelete ‘kufusha maswi’ na shakwaamba. (Mate. 6:7)—w22.07, mape. 24-25.

Ino abo ‘bakalinga kucita shibiibi balaakubukila kukoomboloshekwa’ munshila nshi? (Joni 5:29)

Teshi bakoomboloshekwe akupekwa mulandu pashibiibi nshebakalinga kucita kale kale. Balaakoomboloshekwa kweelana amibo njeshi bakatondeshe pesule lyakubushikwa kwabo.​—w22.09, pe. 18.

Ino nga maswi nshi ayuminisha mukwesu J. F. Rutherford ngakaamba pakubungana kunene mu September 1922?

Pakubungana kunene ku Cedar Point, Ohio, U.S.A., wakaambilisha ayi: “Ngooyo Mwaami utokweendelesha! Mulicite mukuli wakulwiita bantu boonse makani aya. Aboobo, amwaambilishe, amwaambilishe, amwaambilishe, Mwaami alimwi a Bwaami bwakwe!”​—w22.10, mape. 3-5.

Kweelana a Isaya capita 30 ino ni nshila nshi shotatwe Lesa mbwaatucafwa kuliyumya?

Capita iyi ilatondesha ayi (1) alakutika akukumbula mipailo yesu, (2) alatupa butanjilishi, alimwi (3) alatupa shoolwe pacecino ciindi alimwi alaakucita boobo akunembo.​—w22.11, pe. 9.

Ino nciinshi nceenga twaambila ayi maswi ngotucana pa Kulumbaisha 37:10, 11, 29 akakumanishikwaawo kale kale alimwi alaakukumanishikwa kunembo?

Maswi Defedi ngaakalemba akalinga kusansulula bukaalo bwakalinga mu Isilaeli, mbuli paciindi Solomoni ndyaakalinga mwaami. Yesu wakalinga kwaamba sha paladaiso kunembo alimwi akwaamba maswi ngotucana muvesi 11. (Mate. 5:5; Luka 23:43)—w22.12, mape. 8-10, 14.