Sheenga Shamucafwa Ndyemutokwiiya
Amusale Nshomweelete Kutaanguna Kwiiya
Soonse tatucitewo ciindi cinene cakucita ciiyo capalwesu. Ino inga twacita buyani kwaamba ayi tunoosebensesha kabotu ciindi ncotucite? Cakutaanguna, mutabelengi calubilo. Mulaakufubilaamo na mwabelenga makani aniini cakubikila maano kwiinda kubelenga makani aanji calubilo.
Lyalo, amusale nshomweelete kutaanguna kwiiya. (Efe. 5:15, 16) Amuyeeye pa shitokonkelaawo nsheenga mwaciita:
Amubelenge Baibo bushiku abushiku. (Kulu. 1:2) Kusebensesha mulongo wakubelenga Baibo wa kubungana kwamukati kansondo, inga kwamucafwa kutalika kubelenga Baibo.
Amulibambile Ciiyo ca Njashi Yamulindilishi alimwi a kubungana kwamukati kansondo. Amulibambile kukumbulawo.—Kulu. 22:22.
Alimwi amweeleshe kunobelenga akweebela shakulya shimwi shakumushimu nshetutambula mbuli magazini akwaabila, mavidyo alimwi amakani abikwa pa jw.org.
Amwiiye shiinji pamakani amwi amusangalasha. Inga mwalangoola makani atokwaamba palipenshi ndyemutokwiindaamo, mwiipusho ngomucite, na makani amwi amu Baibo ngomusuni kunyumfwisha kabotu.