Amucane Buboni Bwakumushimu Mbweenga Mwakonkela Mubuumi

Ndyetutobelenga Baibo, inga twacana buboni bwakumushimu kwiinda mukulangoola makani. Sombi ino nshiinshi nsheenga twaciita kwaamba ayi tunoofubilaamo abuumbi?

Amubikile maano ku makani oonse amu Baibo ngomutobelenga. Kucakubonenaako, amushibe wakalemba makani ngomutobelenga, mbaakalembela, aciindi ndyaakalemba. Ino shintu shakalinga buyani, ino nshiinshi shakataanguna kucitika ashakacita pesule mumakani ayo ngomutobelenga?

Amuyeeye pa nsheenga mweeya kwiinda mukucana shikumbulo kumiipusho mbuli: ‘Ino bantu mbomutobelengaawo bakalinga kulinyumfwa buyani? Ino njimibo nshi njobakatondesha? Ino nceebonshi ndyeelete kutondesha mibo iyo nabi kwileya?’

Amukonkele nshomweeya mpashi ndyemuli muncito yakushimikila na nshomwaamba anshomucita kubantu bamwi. Lyalo mulaakuba basongo bweenka Yesu mbwaakaamba ayi: “Ono bulya mbomweshiba shintu ishi, mulaakuba acoolwe na mukashiciite.”—Joni 13:17.

• Shimwi Sheenga Shamucafwa: Amubikile maano kubona makani acanika mu Kabuku Kamabungano palubasu lwa Buboni Bucanika Mumaswi Akwe Lesa mbwaatucafwa kuyeeya mbweenga twakonkela makani ayo. Liinji palubasu ulu palaba miipusho njeenga twaliipusha, shiteente nsheenga twakutumana kuyeeyawo alimwi ashikope nsheenga twayeeyawo.