Amwiiye Aluyaando Lwakulwiitako Bamwi Nshomweeya

Na twacita ciiyo ca Baibo capalwesu, tulanyumfwa kabotu abuumbi. Sombi tuleendaawo kulinyumfwa kabotu na twalwiitako bamwi nshotwakeeya shakatucafwa kuyumya bushicibusa bwesu a Yehova. Tushimpi 11:25 ilaamba ayi: “Ucafwa bamwi ulaakucafwikwa alakwe.”

Na katulwiitako bamwi nshotweeya, cilatucafwa kunoshiibaluka akushinyumfwishisha kabotu. Alimwi ceebo cakwaamba ayi nsheenga tweeya inga shacafwa bamwi, tulasangalala kubalwiitako makani ayo.—Milimo 20:35.

Amweeleshe kucita sheeshi: Nsondo itoosa, amukeeleshe kulwiitako bamwi nshomwakeeya na mukabe acoolwe cakucita boobo. Inga mwalwiitako muntu ngomukalaakwe, umwi mulibungano, ngomusebensaakwe, ngomwiiyaakwe, ukala pafwiifwi apamishaanu, na muntu ngweenga mwakumanya muncito yakushimikila. Amukeeleshe kumulwiitako nshomwakeeya mumaswi anu alimwi munshila yuubu kunyumfwisha.

Ncomweelete kwiibaluka nceeci: Munolwiitako bamwi nshomutokwiiya aluyaando lwakwaamba ayi mubayuminishe, kuteshi kulitondesha ayi mulicishi shiinji.—1 Koli. 8:1.