Maswi Akutalikila Mulubasu 6

Bene Isilaeli ndyebakashika mu Cishi Cakashomeshekwa, tente isalalite njoyakaba musena unene nkobakalinga kulambilila Yehova. Bapailishi bakalinga kwiisha Milawo, alimwi boomboloshi mbobakalinga kutanjilila bantu. Lubasu ulu lutotondesha muntu nshaasala anshaacita, mbweenga shakuma bamwi. Mwine Isilaeli womwi awomwi wakalinga kweelete kushomeka kuli Yehova akubantu. Amwaambe shakubonenaako sha bantu mbuli Debola, Naomi, Joshuwa, Ana, mwanaakwe Jefuta mwanakashi, a Samwelo mboshakacafwa bantu mbobakalinga kukalaabo. Amuyuminishe aciteente cakwaamba ayi nabi bantu bamwi mbuli Laabu, Lute, Jaelo, alimwi abene Gibyoni abo batakalinga bene Isilaeli bakasala kuba kulubasu lwa bene Isilaeli mukwiinga bakalinga kucishi ayi Lesa ali abene Isilaeli.