Makani Kubeshi Bakacanikeeko

BESHIKUCAFWILISHA Beshikucafwilisha mpobali kwaamba ayi bamucaafwe. Twamusenga kucatanaabo akukonkela nsheshi banomulwiita mbuli kwakubika macinga, myotoka, pakukala, ashimwi shacaala.

KUBOMBEKWA Shuuna sha baabo batooya mukubombekwa shilaakubambwa kunembo lya pulatifomu. Batooya mukubombekwa balyeelete kabashiite pamusena uyu likani lya kubombekwa kalitana kutalika Bushiku bwabili macuunsa. Uliwoonse ulyeelete kusa ataulo ashakufwala shabulemu nsheshi akasebenseshe pakubombekwa.

MAALI APEKWA MUKULIYANDILA Kwasebenseshekwa maali aanji kwaamba ayi kubungana uku kubambwe, kubamba shakwaambilaamo, shakweebelela mavidyo anciito shimwi shiinji shiyandika maali, isho shoonse shabambwa kwaamba ayi tusangalale akubungana kwesu kutucafwa kusena pafwiifwi a Yehova. Maali ngeenga mwapa mukuliyandila alakonsha kucafwa kulipila shintu shasebenseshekwa akucafwa ncito yakushimikila ya pacishi coonse. Kwaamba ayi cuube, tubokoshi twakubikamo maali tulembetwe kabotu twabikwa mumusena woonse uno. Alimwi inga mwapa maali mukuliyandila kusebensesha intaneti na mwatyanka palembetwe ayi donate.jw.org. Tulalumba abuumbi maali ali woonse ngeenga mwabikaamo. Bamulikoto Litanjilila balamulumba pakucafwilisha kwanu muncito ya Bwaami.

FIRST AID Twamusenga kushiba kwaamba ayi dipatimenti iyi ilacafwabo mapensho esa cakutengashila.

KWAKUCANA SHASOWEKA Shili shoonse shasoweka shilyeelete kutolwa ku Dipatimenti iyi. Na kuli nshemwasowa, inga mwaya mukwiipusha ku dipatimenti iyi. Na mwacana mwaana wasoweka mulyeelete kumutola ku depatimenti iyi. Nacibi boobo, kwaamba ayi tuleye kupa ncito inene kubaabo batosebensela ku dipatimenti iyi, twamusenga kulama bana banu, akukalaabo.

PAKUKALA Twamusenga ayi muyeeyeleko bamwi. Mutaluubi kwaamba ayi mbomweelete kusungila pakukala, mbaabo mbomwesaabo pantu pomwi, mbomukalaabo na abo mbomutokwiisha Baibo. Twamusenga kwaamba ayi mutabiki shintu pamusena ngomutana kusungila bamwi.

INCITO YAKULIYANDILA Na mulisuni kucafwilisha muncito shitosebenswa pakubungana kuno, twamusenga kuya ku dipatimenti iyi.

KUBUNGANA KULIBETELE

Cikolo ca Bashimikila sha Bwaami Bapainiya bacite myaaka 23 kushika ku 65 abo basuni kusebensesha muncito yakushimikila, batokwiitwa kwaamba ayi bakacanikeeko kukubungana kweshi kukabeeko pa bushiku bwatatu malumwi kwabaabo basuni kunjila Cikolo ca Bashimikila sha Bwaami. Musena aciindi shilakwaambilishikwa.