Makani Kubeshi Bakacanikeeko

BESHIKUCAFWILISHA Beshikucafwilisha bakapekwa mukuli wakumucafwa. Twamusenga ayi munookonkela nsheshi banomulwiita mbuli kwakubika macinga, myotoka, pakukala, ashimwi shacaala.

KUBOMBEKWA Shuuna pakukala baabo batooya mukubombekwa shilaakubambwa kunembo lya pulatifomu. Batooya mukubombekwa balyeelete kunoshiite pamusena uyu likani lya kubombekwa kalitana kutalika pa Bushiku Bwabili macuunsa. Uli woonse alyeelete kusa ataulo ashakufwala shabulemu shakusebensesha pakubombekwa.

SHABUPE Kwasebenseshekwa maali aanji kwaamba ayi kubungana uku kubaambwe, kubamba shakwaambilaamo, shakusebensesha kweebela mavidyo anciito shimwi shiinji shiyandika maali. Isho shoonse shabaambwa kwaamba ayi tusangalale akubungana kwesu kutucafwa kusena pafwiifwi a Yehova. Shabupe nsheenga mwapa mukuliyandila shilacafwilisha kulipila shintu shasebenseshekwa akucafwa ncito yakushimikila nsengwe yoonse. Kwaamba ayi cimuubile, tubokoshi twakubikamo shabupe tulembetwe kabotu twabikwa mumusena woonse uno. Alimwi inga mwapa maali mukuliyandila kusebensesha intaneti na mwatyanka palembetwe ayi donate.jw.org. Tulalumba abuumbi pa maali ali woonse ngeenga mwapa. Bamu Likoto Litanjilila balamulumba pakucafwilisha kwanu muncito ya Bwaami.

FIRST AID Amushibe kwaamba ayi Dipatimenti iyi ilacafwabo mapensho esa cakuteengashila.

KWAKUCANA SHASOWEKA Shili shoonse shasoweka shilyeelete kutolwa ku Dipatimenti iyi. Na kuli nshemwasowa, inga mwaya mukwiipusha ku dipatimenti iyi. Na mwacana mwaana wasoweka mulyeelete kumutola ku dipatimenti iyi. Nacibi boobo, kwaamba ayi tutabapi ncito inene abo batosebensela ku dipatimenti iyi, twamusenga ayi mulame bana banu akukalaabo.

PAKUKALA Twamusenga ayi muyeeyeleko bamwi. Mutaluubi kwaamba ayi mbomweelete kusungila pakukala, mbaabo mbomwesaabo pomwi, mbomukalaabo na abo mbomutokwiisha Baibo. Twamusenga ayi mutabiki shintu pashuuna nshemutana kusungila bamwi.

INCITO YAKULIYANDILA Na mulisuni kucafwilisha muncito shiliiko pakubungana kuno, twamusenga ayi muye ku Dipatimenti iyi.