Makani Kubeshi Bakacanikeeko

BESHIKUCAFWILISHA Beshikucafwilisha bakapekwa ncito yakumucafwa. Twamusenga ayi munookonkela nsheshi banomulwiita mbuli kwakubika macinga, myotoka, pakukala, ashimwi shacaala.

KUBOMBEKWA Shuuna pakukala baabo batooya mukubombekwa shilaakubambwa kunembo lya pulatifomu. Batooya mukubombekwa balyeelete kunoshiite pamusena uyu likani lya kubombekwa kalitana kutalika pa Bushiku bwabili macuunsa. Uli woonse alyeelete kusa ataulo ashakufwala shabulemu nsheshi akasebenseshe pakubombekwa.

MAALI APEKWA MUKULIYANDILA Kwasebenseshekwa maali aanji kwaamba ayi kubungana uku kubambwe, kubamba shakwaambilaamo, shakusebensesha kweebela mavidyo anciito shimwi shiinji shiyandika maali, isho shoonse shabambwa kwaamba ayi tusangalale akubungana kwesu kutucafwa kusena pafwiifwi a Yehova. Maali ngeenga mwapa mukuliyandila alakonsha kucafwa kulipila shintu shasebenseshekwa akucafwa ncito yakushimikila nsengwe yoonse. Kwaamba ayi cimuubile, tubokoshi twakubikamo maali tulembetwe kabotu twabikwa mumusena woonse uno. Alimwi inga mwapa maali mukuliyandila kusebensesha intaneti na mwatyanka palembetwe ayi donate.jw.org. Tulalumba abuumbi maali ali woonse ngeenga mwabikaamo. Bamulikoto Litanjilila balamulumba pakucafwilisha kwanu muncito ya Bwaami.

FIRST AID Twamusenga mutaluubi ayi Dipatimenti iyi ilacafwabo mapensho esa cakutengashila.

KWAKUCANA SHASOWEKA Shili shoonse shasoweka shilyeelete kutolwa ku Dipatimenti iyi. Na kuli nshemwasowa, inga mwaya mukwiipusha ku Dipatimenti iyi. Na mwacana mwaana wasoweka mulyeelete kumutola ku Dipatimenti iyi. Nacibi boobo, kwaamba ayi tutabapi ncito inene abo batosebensela ku Dipatimenti iyi, twamusenga ayi mulame bana banu akukalaabo.

PAKUKALA Twamusenga ayi muyeeyeleko bamwi. Mutaluubi kwaamba ayi mbomweelete kusungila pakukala, mbaabo mbomwakesaabo pomwi, mbomukalaabo na abo mbomutokwiisha Baibo. Twamusenga ayi mutabiki shintu pamusena ngomutana kusungila bamwi.

INCITO YAKULIYANDILA Na mulisuni kucafwilisha muncito shiliiko pakubungana kuno, twamusenga ayi muye ku Dipatimenti iyi.