CIIYO 29

Ino Nciinshi Cicitika na Muntu Wafwa?

Printed Edition

Sa mwakafwitwawo kale shicibusa na shikamukowa? Na cintu ca mushobo uyo cacitika, mpashi inga mwaliipusha ayi: ‘Ino nciinshi cicitika na muntu wafwa? Sa beshicibusa na beshikamukowa besu bakafwa tulaakubabonawo alimwi?’ Muciiyo ici alimwi acitokonkelaawo, amubone shikumbulo shamu Baibo shiyuminisha.

1. Ino nciinshi cicitika na muntu wafwa?

Yesu wakakoshanisha lufu kukoona tulo. Na muntu uli mutulo taanyumfwiwo shintu shitoocitika. Ino lufu lulikoshenye buyani akoona? Muntu na wafwa, taanyumfwiwo kucisa nabi kupenga munshila ili yoonse. Baibo ilaamba ayi ‘bafwite taaku ncebeshi.’—Amubelenge Shikushimikila 9:5.

2. Ino kushiba cancine pamakani alufu kulatucafwa buyani?

Bantu baanji balaloonda lufu—kwiilikaawo akuloonda muntu ufwite! Nacibi boobo, Baibo nshoyaamba pamakani alufu inga shamuyuminisha. Yesu wakaamba ayi: ‘Lushinisho [na cancine] lulaakumwaangulula.’ (Joni 8:32) Mubupusano anjiisho sha beshibupailishi, Baibo tayaambi ayi na muntu wafwa kuli cintu cimwi citolelela kuba abuumi. Aboobo muntu taapengiiwo na wafwa. Alimwi mukwiinga bafu taaku ncobeshi, taakuwo nceenga batucita. Aboobo tatweelete kubalambila na kucita shintu shimwi ayi tutabakalashi alimwi tatweelete kubapailila.

Bantu bamwi balaamba ayi balacikonsha kwaamba abafu. Sombi ici inga tacikonsheki. Bweenka mbotweeyawo kale, ‘bafwite taaku ncebeshi.’ Abo beshi kuyeeya ayi batobandika abantu bakafwa balabandika ashibanda isho shicita anga mbantu bakafwa. Aboobo kushiba cancine pamakani alufu kulatushitilisha ku shibanda. Yehova alatucenjesha pamakani akweelesha kubandika abantu bakafwa mukwiinga alicishi kwaamba ayi kubandika ashibanda inga kwatuletela mapensho.—Amubelenge Dutolonomi 18:10-12.

AMWIIYILEWO ASHIMWI

Amwiiye shiinji Baibo nshoyaamba pamakani alufu, alimwi akuyumya lushomo lwanu muli Lesa shilusuno utaanishi bantu bakafwa.

Musankwa abana bakwe baniini bobilo balishiite pacuuna kumalilo amukaakwe. Beshicibusa alimwi abeshikamukowa besa mukubayuminisha.

3. Amwiiye cancine pamakani ashicitika na muntu wafwa

Nsengwe yoonse, bantu balashoma shipusenepusene pamakani ashicitika na muntu wafwa. Nacibi boobo, ici tacaambi ayi isho shoonse nshobashoma nshancine.

Ino bantu bakumusena nkomukala balashoma nshi pamakani ashicitika na muntu wafwa?

Kwaamba ayi mubone Baibo nshoiisha, amweebele VIDYO.

VIDYO: Lubasu lwa Vidyo ya—Ino Nciinshi Cicitika na Muntu Wafwa? (1:19)

Shikope: Shikope kuswa muvidyo ya ‘Ino Nciinshi Cicitika na Muntu Wafwa?’ 1. Mutuntu pabulo mucipatela. 2. Musankwa ushiite pakati kabantu bobilo woona musitiima ndyaali palweendo.

Amubelenge Shikushimikila 3:20, akubandika miipusho iyi:

Kweelana avesi iyi, ino nciinshi cicitika na muntu wafwa?
Sa kuli cintu cimwi citolelela kuba abuumi na muntu wafwa?

Baibo ilatulwiita pamakani alufu lwakwe Lasalo, shicibusa wakwe Yesu. Ndyemutobelenga Joni 11:11-14, amubone Yesu nshaakaamba pamakani alufu lwakwe Lasalo. Lyalo amubandike miipusho iyi:

Ino Yesu wakakoshanisha lufu ku nshi?
Ino kukoshanisha uku kulatucafwa kushiba nshi pamakani ashicitika na muntu wafwa?
Ino mulalinyumfwa buyani pamakani Baibo ngoyaamba palufu?

4. Kushiba cancine pamakani alufu kulatucafwa

Kushiba cancine pamakani alufu kulatucafwa kutaloonda bafu. Amubelenge Shikushimikila 9:10, akubandika mwiipusho uyu:

Sa bafu inga batuletela mapensho?

Cancine camu Baibo cilatucafwa kuleya kushoma ayi tulyeelete kulambila na kusangalasha bafu. Amubelenge Isaya 8:19 alimwi a Ciyubululo 4:11, akubandika mwiipusho uyu:

Ino mutoobona ayi Yehova alalinyumfwa buyani na muntu kapaila nabi kusenga lucafwo kubafu?

Shikope: Milawo ikumite kukulambila bantu bakafwa kale kale. 1. Musankwa atopaila alimwi akubenga shakulya pacuumbwe. 2. Basankwa botatwe bafwete shinyau batoshana. 3. Likoto lya bantu balifwete shili anga ni mitwi ya bantu alimwi baliyumwite shili anga ncifuwa ca mutwi wa muntu. — Cancine pamakani alufu cilatwaangulula kumilawo itasangalashi Yehova

5. Cancine pamakani alufu cilatuyuminisha

Bantu baanji balaiishikwa ayi na bakafwe balaakwaanishikwa pashibiibi nshebakalinga kucita kale kale. Nacibi boobo, cilayuminisha kushiba cancine cakwaamba ayi taakuwo upenga na wafwa nabi kwaamba ayi wakalinga kucita shibiibi ndyaakalinga muumi. Amubelenge Bene Loma 6:7, akubandika mwiipusho uyu:

Kweelana a Baibo mboyaamba, na muntu wafwa nkokwaamba ayi waangululwa kushibiibi shakwe. Sa mutoobona ayi bantu bakafwa batoopenga pa shilubo nshebakacita ndyebakalinga boomi?

Kushiba shiinji pali Yehova kulatucafwa kushoma cancine cakwaamba ayi inga taanishi bantu bafwite. Amubelenge Dutolonomi 32:4 alimwi a 1 Joni 4:8, akubandika miipusho iyi:

Ano sa Lesa ucite mibo ibotu mbuli yeeyi yaambwa mumavesi aya inga kaanisha bantu bafwite?
Sa kushiba cancine pamakani alufu kulamuyuminisha? Ino nciinshi ncemwaambila boobo?

BANTU BAMWI BALAAMBA AYI: “Ndaloonda kuya mukupya kuli Lesa.”

Ino ngamalembo ali ayuminisha ngeenga mwabandikaabo?

CITEENTE CINENE

Na muntu wafwa taakuwo ncaashiba. Bafu tabapengiiwo alimwi tabaletiwo mapensho kuboomi.

Kwiindulukaamo

Ino nciinshi cicitika na muntu wafwa?
Ino kushiba cancine pamakani alufu kulatucafwa buyani?
Ino kushiba cancine pamakani alufu kulatupa kulinyumfwa buyani?

Bushiku ndyemwakamanisha ciiyo:

Nsheenga Mwaciita

Amweeleshe kulabilila shaamba lilembo lyomwi lyaambwa muciiyo ici kwaamba ayi mukasansulule shicitika na muntu wafwa.

Shimwi:

Your other goal

AMULANGWETEEWO ASHIMWI

Amubone na Baibo ilaamba ayi kuli cintu cimwi citolelela kuba abuumi na muntu wafwa.

“Ino Soul Nciinshi?” (Makani acanika pa jw.org)

Amwiiye akubona na ncakwiila Lesa alaanisha bamucita shibiibi mumulilo.

Sa Ncakwiila Lesa Alatenta Bantu Mumulilo? (3:07)

Sa tulyeelete kuloonda bafu?

Mishimu ya Bafu—Sa Inga Yatucafwa na Kutuletela Mapensho? Sa Ncakwiila Nkoili? (buloshuwa)

Amwiiye musankwa umwi mbwaakayuminishikwa pesule lyakwiiya cancine pamakani ashicitika na muntu wafwa.

“Ndakanyumfwa Kabotu Baibo Mboyaamba Shikumbulo Shinyumfwika Kabotu” (Njashi Yamulindilishi, February 1, 2015)