BUUMI BWA BWINEKLISTU
Amwiimbile Yehova Calusangalalo
Paulo a Sailasi ndyebakalinga mujele bakeemba nyimbo shakulumbaisha Yehova. (Mili. 16:25) Cakutatoonsha kwiimba kulyeelete kwakabayuminisha kuliyumya. Ino mbuyani aswebo munshiku shino? Inyimbo nshetusebensesha pakulambila a nyiimbo shesu shimwi shilatuyuminisha akutucafwa kutolelela kushomeka nabi ndyetuli mumapensho. Ano kwiinda pasheeshi, inyimbo shilalumbaisha Yehova. (Kulu. 28:7) Lyoonse balatuyuminisha ayi tulyeelete kwashiba kabotu maswi anyimbo shesu. Sa mwakeeleshaawo kale kucita boobo? Inga katwiindulukaamo munyimbo lyoonse ndyetutoocita kulambila kwamukwashi kwaamba ayi twaashibe kabotu maswi anyimbo.
AMWEEBELE VIDYO ICITE MUTWI UTOKWAAMBA AYI BAANA BATOLUMBAISHA YEHOVA MUNYIMBO, LYALO AMUBANDIKE MIIPUSHO ITOKONKELAWO:
Ino kwiimba nyimbo sha Bwaami inga kwatucafwa buyani?
Ino bamu Dipatimenti ibamba shamavidyo akulekoda balalibambila buyani kabatana kutalika kulekoda nyimbo?
Ino baana amikwashi yabo balalibambila buyani kabatana kuya mukulekoda?
Ino ninyimbo sha Bwaami shili nshemusuni abuumbi, alimwi ino nceebonshi?