Sheenga Shamucafwa Ndyemutokwiiya

Amushilabilile Nyimbo Shesu

“Na ndalinyumfwa kulefuka, Yehova alanjuminisha kwiinda munyimbo shamu JW Broadcasting^®.”—Ba Lorraine, baku U.S.A.

Kuswabo kale kale, Beneklistu baleemba nyimbo shakulumbaisha Lesa. (Kolo. 3:16) Na inyimbo ishi mwashilabilila, inga mwacikonsha kwiimba nabi ndyemutacite libuku, fooni na tabuleti. Kwaamba ayi mucikonshe kulabilila nyimbo, amweeleshe kucita shitokonkelaawo.

• Amubelenge maswi anyimbo cakubikila maano kwaamba ayi munyumfwishishe nshaatokwaamba. Cilaba cuubu kwiibaluka cintu na wacinyumfwishisha kabotu. Inga mwacana maswi anyimbo shesu, kwiilikaawo anyimbo shilibetele anyimbo sha bacanike pa jw.org. Palubasu lwa Library, amuye palembetwe ayi Music.

• Amulembe maswi anyimbo palipepa. Kucita boobo kulaakumucafwa abuumbi kwalabilila.—Duto. 17:18.

• Amwiindulukeemo cakupoosha. Amweeleshe kubooshawo mankanda aanji kubelenga na kwiimba lwiimbo.

• Amweeleshe kubona na mutokwiibaluka. Amweeleshe kwiibaluka maswi alwiimbo kumutwibo kwakubula kulanga palipepa lya maswi, lyalo akubona mbomwacikonsha.