Ino Inga Mweeya Nshi Kuswa Kunyimbo Shesu Shimwi?

Ino ninyiimbo nshi kuswa pa nyiimbo shesu shimwi nshomusuni abuumbi? Ino nceebonshi mulishisuni? Mulabona buyani, sa mavidyo anyimbo ishi alatondesha shintu shicitika mubuumi? Uliwoonse alicite nyimbo nsheenga wakutika inga wasalaawo nshaasuni abuumbi. Nacibi boobo inyimbo ishi tashitusangalashibo sombi shilaatwiisha shiinji.

Inyimbo yomwi ayomwi ilatwiisha shintu nsheenga twakonkela mubuumi bwesu amuncito yakushimikila. Inyimbo shimwi shilatwiisha mbweenga twaba baabi, bantu bacatene, twaba abushicibusa abamwi, bataloondi, bacite lusuno, alushomo. Shimwi panyimbo ishi shilatwiisha mbweenga twaboolela kuli Yehova, twalekelela bamwi, kuba bantu bashomeka akuba ashakucita shiinji muncito yakwe Yehova. Kuli anyiimbo imwi ituyuminisha bwakusebensesha mafooni munshila yeelete. Ino nshiinshi shimwi nshomweeya kuswa kunyimbo ishi?

AMUTONDESHE VIDYO YA NYIIMBO SHESU SHIMWI ICITE MUTWI UTOKWAAMBA AYI PALADAISO ILIBO PAFWIIFWI, LYALO AKUBANDIKA MIIPUSHO ITOKONKELAAWO:

• Ino beebene bacinene batoyeeya pa coolwe cili cakunembo?—Mata. 12:3

• Ino inga twayumya buyani lushomo lwesu munkusu shakwe Yehova shakukumanisha nshaakashomesha?

• Ino nkubonana kuli kusangalasha nkotutoolangila kucitika conoono?

• Ino shoolwe sha Bwaami shilatucafwa buyani kuliyumya ndyetutokwiinda mumapensho?​—Loma. 8:25