Sa Inga Mwaaba Ciindi Ankusu Shanu?

Bweenka mushinshimi Isaya mbwaakaamba, lubasu lwa pacishi lwa libunga lyakwe Yehova lutooya bukomenenaako. (Isa. 54:2) Aboobo ici capa kwaamba ayi kuyakwe Maanda aBwaami apya, Misena Inene Yakubunganinaamo alimwi amaofesi amusampi. Pesule yakumanisha kuyaka, maanda aya alayandika kulamwa, alimwi mukuya kwaciindi amwi alabambululwa. Ici cilatupa coolwe cakwaaba ciindi ankusu shesu kuli Yehova.

• Inga twalyaaba kubotesha Ŋanda ya Bwaami na kakoto kesu kakushimikila nkokatobotesha

• Inga twalyaaba kutambula lwiiyo lutucafwa bwakulama Ŋanda yesu ya Bwaami

• Inga twalemba foomu ya Local Design/Construction Volunteer Application (DC-50) kwaamba ayi katucafwilisha ciindi aciindi pamakani ashabuyake shili kufwiifwi akumusena nkotukala

• Inga twalemba foomu iitwa ayi Application for Volunteer Program (A-19) akulyaaba kucafwilisha pa Bethel, na misena imwi isebenseshekwa, kwa nsondo yomwi na kwiindaawo

AMWEEBELE VIDYO ICITE MUTWI UTOKWAAMBA AYI BUBAAMBO BWA BUYAKE BUPYA—LUBASU, LYALO AKUKUMBULA MIIPUSHO ITOKONKELAAWO:

• Amusansulule kusebensesha mavidyo mbokwaya panembo kuswa mumwaaka wa 2014.

• Kwaamba ayi tutolelele kupanga mavidyo atoyandika pakulambila Yehova, ino mbubaambo nshi bwa buyake mbobatoyeeya kucita, alimwi ino kuyaka uku kulaakutalika akumana lili?

• Ino nshiinshi basebenshi beshikulyaaba nsheenga bacita kwaamba ayi bakacafwilishe pabuyake ubu?

• Na tulisuni kwaamba ayi tukacafwilisheeko pa buyake bwaku Ramapo, ino nceebonshi tulyeelete kulemba foomu (DC-50) alimwi akucafwilishaako mumayake atoocitika kufwiifwi akumisena nkotukala?

• Ino mbumboni nshi butotondesha ayi Yehova atotanjilila ncito iyi?

• Ino inga twacafwilisha buyani pa buyake ubu nabi kwaamba ayi inga tatucikonshi kuyaako?