AMWIIYE NSHEENGA MWACIITA MUNCITO YAKUSHIMIKILA | MBWEENGA MWATOLELELA KUCANA LUSANGALALO MUNCITO YAKUSHIMIKILA
Amucafwe Shikwiiya Baibo Wanu Kucanika Kumabungano
Mabungano ndubasu luyandika abuumbi lwakupaila kwancine. (Kulu 22:22) Kubungana pomwi kwaamba ayi tupaile Yehova kulaleta lusangalalo ashoolwe shiinji. (Kulu 65:4) Shikwiiya Baibo alafwambaana kuya panembo na lyoonse kacanika kumabungano.
Ino nshiinshi nsheenga mwaciita kwaamba ayi mucafwe shikwiiya Baibo kunoocanika kumabungano? Amutolelele kumwiita kusa kumabungano. Amumutondeshe vidyo icite mutwi utokwaamba ayi Nciinshi Cicitika pa Ŋanda ya Bwaami? Amumusansulwite mabungano mbwaatucafwa. (lff ciiyo 10) Amumulwiiteeko shiteente nshomwakeeya kumabungano na kumulwiitaako nsheshi tukeeye kumabungano ali kunembo. Amumupeeko mabuku eshi akanoosebenseshekwa kumabungano. Amumucafwe na kuli shimwi nshatoyandika kwaamba ayi acikoonshe kucanika kumabungano. Mpashi inga wakondwa kuya mukumubwesa. Mulaakusangalala abuumbi na mwacita shoonse nshenga mwacikonsha kucafwa shikwiiya Baibo kucanika kumabungano ciindi cakutaanguna.—1Ko 14:24, 25.
AMWEEBELE VIDYO YACITONDESHO ICITE MUTWI UTOKWAAMBA AYI AMUCANE LUSANGALALO MUNCITO YAKWIISHA BANTU KUBA BASHIKWIIYA—SHEENGA SHATUCAFWA KUSHIMIKILA KABOTU—AMUCAFWE SHIKWIIYA BAIBO WANU KUCANIKA KUMABUNGANO, LYALO AKUKUMBULA MIIPUSHO ITOOKONKELAAWO:
Ino nshiinshi Neeta nshaakacita kwaamba ayi eete Jade kucanika kumabungano?
Ino nceebonshi cilasangalasha abuumbi na shikwiiya Baibo wacanika kumabungano?
“Ndushinisho Lesa mpwaali pakati kanu”
Ino Jade wakalinyumfwa buyani ndyaakacanika kumabungano ciindi cakutaanguna?