Nsheenga Tweeya Kuswa Kuli Samwelo

Samwelo wakatolelela kushomeka kuli Yehova buumi bwakwe boonse. Ndyaakalinga mwanike wakaka kuba amibo ibiibi yakalinga kucite Ofini a Fineyasi, bana bakwe Eli. (1Sa 2:22-26) Samwelo ndyaakalinga kukula, Yehova wakatolelela kuba anguwe. (1Sa 3:19) Ndyakacembela wakatolelela kusebensela Yehova cakushomeka, nabi kwaamba ayi bana bakwe tabakalinga kushomeka.—1Sa 8:1-5.

Ino nshiinshi nsheenga tweeya kucakubonenaako cakwe Samwelo? Na muli bacanike amushome kwaamba ayi Yehova alicishi kabotu mapensho ngomutokwiindaamo alimwi ambomulinyumfwa. Inga wamucafwa kuba bataloondi. (Isa 41:10, 13) Na muli mushali ucite mwaana wakaswa mucancine, Inga mwayuminishikwa kushiba kwaamba ayi Samwelo taakwe kukakatisha bana bakwe bobilo kutolelela kukonkela njiisho shakwe Yehova. Wakashiya shoonse mumaansa akwe Yehova, kutolelela kushomeka alimwi akusangalasha Ishi wakwiculu, Yehova. Mpashi cakubonenaako canu cilaakuyuminisha mwanaanu kuboolela kuli Yehova.

AMWEEBELE VIDYO ICITE MUTWI UTOKWAAMBA AYI AMWIIYE KUSWA KULIMBABO—SAMWELO, LYALO AKUKUMBULA MIIPUSHO ITOOKONKELAAWO:

• 

  Ino Samwelo wakatondesha buyani kutaloonda ndyaakalinga wacanike?

• 

  Ino Danny wakatondesha buyani kutaloonda?

• 

  Ino Samwelo wakatondesha buyani cakubonenaako cibotu mbuli musankwa wacinene?

• 

  Ino bashali bakwe Danny bakatondesha buyani cakubonenaako cibotu?