Sa Mulilibambite Kumapensho Eenga Acitika Ceebo Cashoongo Mucishi?

Mamanino a bweende bwashintu buno ndyaatosena pafwiifwi, tutolangila kwaamba ayi kupilingana mushishi, bukapondo alimwi ankoondo shilaakufulilaako. (Ci 6:4) Ino nshiinshi nsheenga twaciita kwaamba ayi tulibambile kwiinda mumapensho kunembo?

• Amulibambile lwakumushimu: Amubone njiisho shamu Baibo alimwi amakani eenga ayumya lushomo lwanu muli Yehova alimwi alibunga lyakwe alimwi amucafwa kutaabanaamo lubasu mushacishi. (Tu 12:5; jr 125-126 mapa. 23-24) Cino nceciindi ncotweelete kuyumya bushicibusa bwesu abamakwesu abenankashi mulibungano.​—1Pit 4:7, 8

• Amulibambile lwakumubili: Na teshi mukayandike kuswa paŋanda kuya kumwi, amukashinishe kwaamba ayi mwalishitilisha alimwi akuba ashiyandika shikwene. Alimwi amulibambile limwi nshomweelete kucita na mulaakuyandika kuswa paŋanda. Amubone shintu shili mucoola ncomweelete kunyamuna na kwacitika mapensho akuteengashila alimwi akubikaamo maali ashintu sheenga shamushitilisha. Amubandike abamanene akushinisha kwaamba ayi balishi nshila njeenga basebensesha kubandika andimwe.​—Isa 32:2; g17-CG.5 3-7

Na kuli shoongo mucishi, amutolelele kucita shintu shakumushimu mbuli kupaila, kwiiya alimwi akucanika kumabungano. (Flp 1:10) Amuleye kweendeenda. (Mt 10:16) Amupeeko bamwi shakulya alimwi ashintu shimwi nshemucite.​—Lo 12:13.

AMWEEBELE VIDYO ICITE MUTWI UTOKWAAMBA AYI SA MULILIBAMBITE KU MAPENSHO EENGA ACITIKA CAKUTEENGASHILA? LYALO AKUKUMBULA MIIPUSHO ITOKONKELAAWO:

• Ino Yehova inga watucafwa buyani ndyekwacitika mapensho akuteengashila?

• Ino nshiinshi nsheenga twaciita kwaamba ayi tulibambile?

• Ino inga twacita buyani kwaamba ayi tucafwe bamwi bacitikilwa mapensho akuteengashila?