Atube Balibambite Ndyetuli Kumamanino ‘Anshiku Shakweelaako’

Ndyetuli kumamanino anshiku shakweelaako, tutoolangila ayi mapensho ananooya cifulilaakobo. (2Ti 3:1; Mt 24:8) Na kwacitika mapensho akuteengashila, bantu bakwe Yehova balatambula butanjilishi bwapa ciindi ceelete bweenga bwapulusha buumi bwabo. Kwaamba ayi tukapuluke paciindi ico tulyeelete kulibambilila limwi pacecino ciindi lwa kumubili alimwi alwakumushimu.​—Lk 16:10.

• Amulibambile lwakumushimu: Amube abubaambo bubotu bwakubelenga Baibo alimwi akucita ciiyo capalwanu. Amwiiye nshila shipusenepusene shakushimikila. Mutalisukami na tamutooba pomwi abamwi bamulibungano pacecino ciindi. (Isa 30:15) Lyoonse Yehova a Yesu balaba andimwe.​—od-CG pe. 162 mapa. 15-17

• Amulibambile lwakumubili: Kwiilika pakuba acoola cakubikamo shiyandika, mukwashi womwi awomwi ulyeelete kuba ashakulya, maanshi, musamu alimwi ashintu shimwi nsheenga wayandika na baya mukukala kumusena kumwi kwaciindi cilaamfuko.​—Tu 22:3; g17-CG.5 pe. 4, 6

AMWEEBELE VIDYO ICITE MUTWI UTOKWAAMBA AYI SA MULILIBAMBITE KU MAPENSHO EENGA ACITIKA CAKUTEENGASHILA? LYALO AKUBANDIKA MIIPUSHO ITOKONKELAAWO:

• 

  Ino nshiinshi nshotweelete kucita kwaamba ayi tulibambile lwakumushimu mapensho akuteengashila kaatana kucitika?

• 

  Ino nceebonshi tulyeelete . . .

  • kutolelela kubandika abamanene?

  • kubikila limwi shintu shoonse shiyandika mucoola?

  • kubandikila limwi mushobo wamapensho akuteengashila eenga acitika alimwi ansheenga mwaciita na acitika?

• 

  Ino nshintu nshi shotatwe nsheenga twaciita kwaamba ayi tucafwe baabo bacitikilwa mapensho akuteengashila?

AMULIIPUSHE AYI, ‘Ino nshiinshi nsheenga ndeeya pamakani akulibambila kuswa kubulwashi bwa COVID-19?’