BUUMI BWA BWINEKLISTU

Sa Mulilibambite na Kwaba Lipenshi lya Kubula Maali?

Ino nceebonshi inga tatukankamani na shintu shitoocika mucishi shikape kwaamba ayi kube lipenshi lya maali? Mukwiinga tutokala muciindi camamanino anshiku shakweelaako alimwi Baibo ilatucenjesha ayi tatweelete kushoma “bubile ubo bumana.” (1Ti 6:17; 2Ti 3:1) Ino cakubonenaako ca Mwaami Jeoshafati inga catwiisha nshi pamakani akulibambila na kwaba lipenshi lya kubula maali?

Jeoshafati ndyebakamubukila ku shishi shakalinga kubalwana, wakacinka manungo muli Yehova. (2Ma 20:9-12) Alimwi wakacita shintu shakapa kwaamba ayi bantu boonse balibambilile limwi kwiinda mukuyaka mandabala ayi ayumineeko akubamba misumba ya bashilumamba. (2Ma 17:1, 2, 12, 13) Bweenka mbuli Jeoshafati, aswebo inga twacita kabotu kucinka manungo muli Yehova akulibambila mapensho anene eenga acitika.

INO SHIINSHI NSHEENGA TWACIITA KWAAMBA AYI TULIBAMBILE LIPENSHI LYA KUBULA MAALI?

Amulibambile lwakumushimu: Amulumbe pasheesho nshemucite akutolelela kushoma ayi Yehova alaakumupa nshemuyandika bushiku abushiku. (Mt 6:26; 1Ti 6:8) Amube bashinishite kutacileka kukonkela njiisho shamu Baibo kwaamba ayi mucanebo sheesho nshemutoyandika. (Lo 2:21) Amuyeeye mbweenga mwatolelela kubelenga Baibo alimwi amabuku aamba shamu Baibo na taaku malaiti nabi intaneti ndyeyapilingana. Amubeeko amabuku akupulinta aniini ngomwakasala, alimwi na kacikonsheka amucitile limwi daunilodi mabuku na mavidyo.

Amulibambile lwakumubili: Amuceyesheko nkongole alimwi ashakuula shitayandiki bunene lipenshi lya maali kalitana kutalika. (Tu 22:7) Na kacikonsheka amubike shakulya shikwene alimwi ashintu shimwi nsheenga mwasebensesha kunembo. Bamwi inga basuna kulima gaadeni kwaamba ayi basunge maali.

AMWEEBELE VIDYO ICITE MUTWI UTOKWAAMBA AYI SA MULILIBAMBITE KU MAPENSHO EENGA ACITIKA CAKUTEENGASHILA? LYALO AKUKUMBULA MIIPUSHO ITOKONKELAAWO:

Shikope shitotondesha makani ali muvidyo ya “Sa Mulilibambite Ku Mapensho Eenga Acitika Cakuteengashila?” Shikope shitotondesha Baibo, coola a fooni inene alimwi abasebenshi beshikuyaka.

Ino nshiinshi nsheenga twaciita palweesu kwaamba ayi tulibambile mapensho anene acitika cakuteengashila?

Amulembe cikumbulo

Shikope shitotondesha makani ali muvidyo ya “Sa Mulilibambite Ku Mapensho Eenga Acitika Cakuteengashila?” Bamakwesu batocafwilisha muncito yakupa lucafwo kwiinda mukwaabanamo lubasu muncito yakuyaka akuselusha shintu mumotoka.

Ino inga twalibambila buyani kucafwako bamwi?

Amulembe cikumbulo