Amushimikile Kweelana Ashintu Shitocitika Pacecino Ciindi

Yesu ndyaakalinga kushimikila, wakalinga kusebensesha shakubonenaako sha shintu shitocitika paciindi ico. (Lk 13:1-5) Amwebo inga mwasebensesha shakubonenaako sha shintu shitocitika paciindi ico kwaamba ayi mucafwe bantu kusuna kwiiya makani a Bwaami. Pesule lyakwaamba pamakani ambocibete ciyumu kucana shiyandika mubuumi, mapensho acitika cakuteengashila, shoongo, kusebensesha misamu ikola na shintu shimwi, amwiipushe mwiipusho weenga wacafwa muntu kuyeeyawo. Inga mweepusha ayi: “Sa mulabona ayi kulaakubaako ciindi ndyeshi kukabule mapensho mbuli . . . ?” na “Ino mulabona ayi nciinshi ceenga camana. . . ?” Lyalo amubelenge lilembo litokwaamba pamakani ayo. Na muntu watondesha ayi alisuni kwiiya, amumutondeshe vidyo na kumwaabila libuku kuswa Pamabuku Ngotusebensesha Ndyetutokwiisha. Ndyetutokweelesha kushika bantu pamoyo ndyetutoshimikila, atucite shintu ‘shoonse ceebo ca makani abotu.’​—1Ko 9:22, 23.

Ino ngamakani nshi bantu ngeenga basuna kukutika kumusena nkomushimikila?