BUUMI BWA BWINEKLISTU
Amuliboone Bweenka Yehova Mbwaamubona
‘Yehova alakondwa mubantu bakwe.’ (Kulu 149:4) Nabi kwaamba ayi tatumaninite, Yehova alabona mibo ibotu njetucite alimwi a nsheenga twaciita kunembo. Nacibi boobo, cimwi ciindi inga caba ciyumu kubona mibo ibotu njetucite. Mpashi inga twalinyumfwa ayi taakuwo mbotubete ceebo ca shintu bamwi nshebatucitila. Na mpashi kubikila maano ku shilubo nshetwakacita kale kale, inga kwatupa kutalika kutoonsha na ncakwiila Yehova alitusuni. Ino nshiinshi sheenga shatucafwa na twatalika kulinyumfwa boobo?
Amwiibaluke kwaamba ayi Yehova alabona nsheenga bantu baalilwa kubona. (1Sa 16:7) Ici citosansulula ayi alabona a nsheenga twaalilwa kubona mulindiswe sobeene. Cibotu ncakwaamba ayi, Baibo ilatucafwa kushiba Yehova mbwaatubona. Inga twashiba Yehova mbwaatubona na katubelenga makani acanika mu Baibo atondesha Yehova mbwaasuni basebenshi bakwe.
AMWEEBELE VIDYO ICITE MUTWI UTOKWAAMBA AYI AMUCAFWE MOYO WANU KUSHOMA CAKUTATOONSHA AYI YEHOVA WAKAMULEKELELA, LYALO AKUKUMBULA MIIPUSHO ITOKONKELAAWO:
Ino cakubonenaako ca shikucica alimwi a baishi citotwiisha nshi pali Yehova mbwaatubona?
Ino muntu wacita cilubo cinene akucita shiyandika kwaamba ayi ayumye bushicibusa bwakwe a Yehova, inga wacafwa buyani moyo wakwe kushoma cakutatoonsha ayi Yehova wakamulekelela? —1Jo 3:19, 20
Ino kubelenga akukutumana kuyeeya pamakani aamba pali Defedi a Jeoshafati kwakamucafwa buyani mukwesu?