BUUMI BWA BWINEKLISTU
Balasebensa Cankusu Kutucafwa
Bamatanjilili balubasu abamakaabo balatondesha lusuno lwa kulyaaba kubaabo mbobacafwa. Bweenka mbuli ndiswe soonse, abalo balayandika shintu shakumubili alimwi cimwi ciindi balalema, kulefuka alimwi akulisukama. (Jem 5:17) Nacibi boobo, nsondo ansondo balabikila bunene maano kuyuminisha bamakwesu abenankashi bali mulibungano ndyebatoofwakashila. Ncakwiila bamatanjilili balubasu baleelela “kupekwa bulemu abuumbi.”—1Ti 5:17, NWT.
Mutumwi Paulo ndyakayeeya kufwakashila libungano lyaku bene Loma kwaamba ayi ‘abapeko cipo cakumushimu,’ wakalinga kulangila ayi alaakubayuminisha abalo balaakumuyuminisha. (Lo 1:11, 12) Sa mwakayeeyawo kale sheenga mwaciita kwaamba ayi muyuminishe mutanjilili walubasu, amukaakwe na kacili ayi alyeebete?
AMWEEBELE VIDYO ICITE MUTWI UTOKWAAMBA AYI MUTANJILILI WALUBASU USEBENSELA KULUBASU LWAMUMISHI, LYALO AKUKUMBULA MIIPUSHO ITOKONKELAAWO:
Ino bamatanjilili balubasu abamakaabo balatondesha buyani lusuno lwa kulyaaba ku libungano?
Ino nshebacita shamucafwa buyani palwaanu?
Ino nshiinshi nsheenga twaciita kwaamba ayi tubayuminishe?