Beembeshi Basebensa Cankusu Kucafwa Bantu Bakwe Yehova

Bantu baanji tabashomi baabo bacite nkusu sha kweendelesha. Alimwi inga twanyumfwishisha cibapa kucita boobo. Mukwiinga bantu kuswabo kale kale balasebensesha nkusu shabo munshila itabete kabotu kwaamba ayi balicaafwe beene. (Mika 7:3) Tulalumba abuumbi kwaamba ayi bamanene mulibungano bakeeishikwa kusebensesha nkusu shabo kwaamba ayi bacafwe bantu bakwe Yehova.—Esit 10:3; Mt 20:​25, 26.

Mubupusano abantu bamucishi bacite nkusu sha kweendelesha, bamanene balasebensa ncito yabo yakutanjilila mukwiinga balisuni Yehova alimwi abantu bakwe. (Jo 21:16; 1Pit 5:​1-3) Kwiinda mubutanjilishi bwakwe Yesu, beembeshi aba balacafwa shikushimikila womwi awomwi kulinyumfwa ayi alakwe ali mumukwashi wa basebenshi bakwe Yehova alimwi akumucafwa kutolelela kuyumya bushicibusa bwakwe a Yehova. Balafwambaana kuyuminisha mbelele shakwe Yehova akushicafwa na kwacitika mapensho akucipatela acitika cakutengashila na mapensho anene alicitikila. Na kuli lucafwo ndomutoyandika mulyangulukite kubandika amunene wa mulibungano lyanu.—Jem 5:14.

AMWEEBELE VIDYO ICITE MUTWI UTOKWAAMBA AYI BEEMBESHI BALAMA MBELELE, LYALO AKUKUMBULA MIIPUSHO ITOKONKELAAWO:

• Ino lucafwo ba Mariana ndobakapekwa kuswa ku bamanene lwakabacafwa buyani?

  Cikumbulo

• Ino lucafwo ba Elias ndobakapekwa kuswa ku bamanene lwakabacafwa buyani?

  Cikumbulo

• Ino nshemweebela muvidyo shamupa kulinyumfwa buyani pa ncito bamanene njebasebensa?

  Cikumbulo