Nsheenga Mweeya Kuswa Kushikope

Mumabuku esu mulacanika shikope shiinji shitucafwa kushiba shiteente shinene. Ino inga mwashisebensesha buyani shikope ishi kwaamba ayi shimucaafwe?

• Amubone shikope kamutana kutalika kubelenga mutwi. Shikope inga shamuyuminisha kusuna kubelenga mutwi. Na twabona shakulya shibotu tulasuna kushilya. Ubu bweenka mbocibete akushikope shiba mumabuku esu. Inga twasuna kubelenga mutwi na twataanguna kubona shikope. Aboobo kamutana kutalika kubelenga mutwi, amuliipushe ayi, ‘Ino nshikope shabuyani shiliimo?’—Amosi 7:​7, 8.

• Ndyemutobelenga mutwi, amuyeeye shikope ncobakashibikilaamo. Amubelenge maswi ali pa shikope na mpwaali kwiilikaawo abusansulushi bwashikope. Amuyeeye shikope mboshicatene amakani atobandikwawo akubona nsheenga mweeyaako kuswa ku shikope.

• Pesule lyakumanisha kubelenga, amusebenseshe shikope kwiinduluka mu shiteente shinene nshomweeya mumutwi uyo. Amweeleshe kushinshibata akwiibaluka shikope alimwi anshomweeyaako.

• Amubone shikope shili mumagazini iyi alimwi, akubona na mutokwiibaluka shiteente shinene nshomweeyaako.