Sheenga Shatucafwa Kushimikila Kabotu​—Kushimikila Kwiinda Mukusebensesha Fooni

MULANDU NCOCIYANDIKILA: Kushimikila kwiinda mukusebensesha fooni ninshila iyandika abuumbi ‘yakushimikila makani abotu’ cakumaninina. (Mili. 20:24)a Kushimikila kwiinda mukusebensesha fooni kulatucafwa kupa bumboni kumuntu ciindi ndyetutacikoonshi kumufwakashila

NSHEENGA MWACIITA:

• 

  Amulibambile. Amusale makani eelela. Lyalo amulembe ka autilaini kaniini ka makani ngomusuni kubandikaawo. Alimwi inga mwalibambila maswi akusebensesha na mwine fooni taana kukumbula sombi wakaibamba munshila yakwaamba ayi inga wesa mukucana maswi ngomwalinga kusuni kumulwiita. Cilacafwa abuumbi na mulicite ka autilaini pafwiifwi alimwi ashisebensesho shimwi sheenga shamucafwa kucalula JW Library^® na webusaiti ya jw.org^®

• 

  Amube baangulukite. Amwaambe cakwaanguluka. Alimwi mulyeelete kunoomwetamweta akusebensesha maansa bweelete kuba anga muntu uyo mutoomubona. Amuleye kwaamba shitanyumfwiki. Cilacafwa abuumbi kusebensela pomwi abamwi. Na mwineŋanda weepusha mwiipusho, amuuboshewo cakupoosha kwaamba ayi alakwe ngomutosebensa akwe amucafwe kucana cikumbulo

• 

  Amubike bubaambo bwa lweendo lwakuboolelaako. Na muntu watondesha ayi alisuni kwiiya, inga mwashiya mwiipusho ngweshi mukakumbule na mukatume fooni alimwi. Alimwi mpashi inga mwamulwiita ayi mulakumutolela mabuku, na kumutumina kwiinda mukusebensesha imelo. Nabi kumutumina mavidyo na makani kwiinda mukusebensesha imelo na meseji. Na kaceelela inga mwamulwiita makani amwi ngeenga wacana pa webusaiti yesu